Bakı, Finance Time. “Unibank” iş yerindən arayış təqdim edə bilməyən evdar xanımlara yeni kredit məhsullarını təklif edir. Azərbaycanda ilk dəfə olaraq, Bank bu növ müştərilər üçün xüsusi şərtlərlə nağd kredit və kredit xəttlərinin rəsmləşdirməsinə başlayıb.

Evdar xanımlar daimi iş yeri olan ailə üzvlərinın əmək haqqı barədə arayışları əsasında zaminsiz 2 ilədək 2500 AZN qədər nağd kredit və yaxud 1 illik məbləği 10 min AZN-dək kredit xətti cəlb edə bilərlər. Ailə üzvlərinin (həyat yoldaşı və ya övladların) Banka gəlməyi mütləq deyil. Nəticədə kredit prosedurları daha da sadələşdirilərək, ölkədə az olmayan bir sosial təbəqə təşkil edən evdar xanımlara əlavə rahatlıq yaradır. Bu zaman ərizəçinin ailə üzvlərinin aylıq gəlirlərinə Bankın tələbləri 93,5 AZN-dən, iş stajlarına dair tələblər isə 3 aydan başlayır. Kreditlərin minimal müddəti 3 aydır və tam məbləği ərizəçi xanımın həyat yoldaşının və ya övladlarının təsdiqlənmiş gəlirləri əsasında müəyyən olunur.

Həmçinin qeyd edək ki, Bakı və Sumqayıt şəhərləri üçün “Evdar xanım” kreditləri üzrə effektiv faiz dərəcə illik 16-17% təşkil edir, digər bölgələrdə isə bu kreditlərin real faiz dəyəri illik 18-19% bərabərdir. Nağd kreditin qaytarılması bərabər ödənişlərlə aparılır, kredit xəttlərinin ödənişləri üzrə borc qalığına hesablanmış faizlər aylıq, əsas borc isə ixtiyari qaydada ödənilir. “Evdar xanım” kreditləri barədə daha ətraflı məlumat üçün (012) 117 zəng edin və ya Bankın http://unibank.az/az/private-clients/loans/evdarxanim/ ala bilərsiniz.