Bakı Fond Birjası (BFB) Azərbaycan kapital bazarının 2026-cı ilin III rübü üzrə əsas göstəricilərini, makroiqtisadi tendensiyaları və bazarın müxtəlif seqmentlərində müşahidə olunan dəyişiklikləri əhatə edən növbəti rüblük bülleteni təqdim edib.
Bülletendə əks olunan göstəricilər 2026-cı ilin ilk doqquz ayı ərzində ölkənin maliyyə bazarında baş verən mühüm dəyişiklikləri, bank sektorunda likvidlik vəziyyətinin kapital bazarına təsirini və maliyyələşmə alətlərindən istifadə dinamikasını əks etdirir.
Bülletendə makroiqtisadi mühit və bank sektorunda likvidlik, BFB-nin maliyyələşmə platforması kimi rolu və Mərkəzi Bankın notlarının artan əhəmiyyəti, borc bazarında istiqraz emissiyalarının dinamikası, səhm bazarında təkrar bazar dövriyyəsinin 2025-ci ilin illik göstəricisini üstələməsi, eləcə də REPO bazarında bank sektorundakı likvidlik profisitinin təsiri kimi əsas istiqamətlər əhatə olunub.
Bakı Fond Birjasının rüblük bülleteni kapital bazarının iştirakçıları, emitentlər, investorlar, maliyyə institutları və analitiklər üçün bazarın cari vəziyyətini və inkişaf istiqamətlərini daha dərindən qiymətləndirməyə imkan yaradır.
Bülletenin tam versiyası ilə aşağıdakı keçid vasitəsilə tanış olmaq mümkündür: https://bit.ly/4AwZPkj