Sahibkarların maliyyə imkanlarını genişləndirməyi və biznesin inkişafına dəstək göstərməyi prioritet istiqamətlərindən biri kimi müəyyən edən Rabitəbank 8 Noyabr Zəfər Günü münasibətilə xüsusi kampaniyaya start verib. Bank biznes müştərilərinə sərfəli kredit şərtləri ilə yanaşı, bir il ərzində bir sıra bank xidmətlərindən ödənişsiz yararlanmaq imkanı təqdim edir.
1 dekabr 2026-cı il tarixinədək davam edəcək 44 günlük kampaniya çərçivəsində biznes krediti rəsmiləşdirən müştərilər abunə tipli tarif paketlərinə daxil olan bir sıra bank xidmətlərindən bir il müddətində ödənişsiz yararlanmaq imkanı əldə edirlər.
Belə ki, sahibkarlar ölkədaxili AZN köçürmələri, bankdaxili köçürmələr, nağdsız valyuta mübadiləsi və cari hesablardan nağd vəsaitin verilməsi xidmətlərindən ödənişsiz faydalana, həmçinin POS-terminallar üzrə aylıq xidmət haqqından azad ola bilərlər.
Kampaniya sahibkarlara bizneslərinin maliyyələşdirilməsi ilə yanaşı, qeyd olunan bank əməliyyatları üzrə xidmət xərclərini sıfıra endirmək imkanı yaradır. Bu isə gündəlik bank əməliyyatları istiqamətində xərclərin azaldılmasına, maliyyə resurslarının daha səmərəli idarə olunmasına və qənaət edilən vəsaitin biznesin inkişafına yönəldilməsinə şərait yaradır. Kampaniya haqqında ətraflı məlumat üçün linkə https://rbt.az/zafar-b keçid edə bilərsiniz.
Məlumat üçün bildirək ki, “Rabitəbank” ASC 1993-cü ildən etibarən fəaliyyət göstərir və “Rahat bankçılıq” konsepsiyası əsasında müştərilərinə müasir və əlçatan maliyyə xidmətləri təqdim edir. Bankın nizamnamə kapitalı 101,3 milyon manatdır. Ölkə üzrə geniş filial şəbəkəsi, rəqəmsal bankçılıq həlləri və peşəkar komandası ilə Rabitəbank müştərilərinə dəyər yaradan xidmətlər təqdim etməyə davam edir. Bankın əsas səhmdarları “Azərbaycan Banklar Assosiasiyası”nın prezidenti Nuriyev Zakir Əlibala oğlu və iş adamı, sahibkar Əliyev Rauf Zeynal oğludur.
Hal-hazırda “Rabitəbank” ASC 19 region və Bakı şəhəri üzrə ümumilikdə 32 xidmət məntəqəsi, 79 ATM-i, “Rabita Mobile”, “Rabita Junior” və “Rabita Business” tətbiqləri, İnternet Bankçılıq platforması və 133 nömrəli Çağrı Mərkəzi ilə öz müştərilərinə ən müasir standartlar səviyyəsində geniş spektrli bank xidmətləri təqdim edir.
