22 oktyabr 2026-cı il tarixində Bakıda İqtisadi Resursların Öyrənilməsi Mərkəzinin təşəbbüsü ilə III İslam Maliyyə Forumu (İMF’26) keçirilib.

Forum çərçivəsində Azərbaycanda İslam maliyyəsinin inkişaf perspektivləri, İslam bankçılığı və sığortası, alternativ maliyyələşmə alətlərinin tətbiqi, eləcə də bu sahədə kadr hazırlığı və beynəlxalq sertifikasiya məsələləri müzakirə olunub. 

Bakı Fond Birjasının (BFB) Baş İqtisadçısı Emin Əliyev forumun “İslam maliyyəsinin sukuk, lizinq və mikromaliyyə məhsullarının tətbiqi imkanları” adlı panel sessiyasında çıxış edib.

Müzakirələr zamanı Azərbaycanda işlək sukuk bazarının formalaşdırılması üçün zəruri hüquqi və tənzimləyici çərçivə, bazar infrastrukturu tələbləri və bu maliyyə alətinin yerli kapital bazarında tətbiq imkanları nəzərdən keçirilib.

İslam maliyyəsi alətlərinin tətbiqi və alternativ maliyyələşmə imkanlarının genişləndirilməsi kapital bazarının məhsul müxtəlifliyinin artırılması baxımından əhəmiyyətli istiqamətlərdəndir. 

Bakı Fond Birjası kapital bazarının inkişafına dair peşəkar müzakirələrdə iştirak etməklə beynəlxalq təcrübənin öyrənilməsini və alternativ maliyyələşmə mexanizmləri barədə məlumatlılığın artırılmasını dəstəkləyir.