Mikro, kiçik və orta sahibkarlığın kreditləşməsi bazarının lideri olan AccessBank, 2026-cı ilin 3-cü rübün sonuna olan maliyyə nəticələrini açıqlayır.
Ətraflı məlumat əldə etmək üçün: https://bit.ly/423QT61
Bank, 2026-cı ilin 3-cü rübün sonuna olan nəticələrinə görə 45.2 milyon manat xalis mənfəət əldə edib. Eyni göstərici ötən ilin analoji dövründə 35.6 milyon manat təşkil edib.
Cari ilin 3-cü rübündə son illər ərzində formalaşmış mənfəətlilik və yüksələn kapital dayanıqlığı fonunda Bank 40 milyon manat həcmində dividend ödəmişdir. Nəticədə, dividend ödənişindən sonra Bankın məcmu kapital buferi minimum normativlərdən əhəmiyyətli dərəcədə yüksək qalmaqla, 239.4 milyon manat təşkil edir.
Sözügedən artımın drayverləri kimi kredit portfelinin, xüsusən biznes kreditlərinin artımı, depozit portfelinin böyüməsi, habelə yeni beynəlxalq kreditlərin cəlb edilməsi qeyd oluna bilər. Belə ki, ötən ilin müvafiq dövrü ilə müqayisədə:
• Kredit portfeli 9.6% və ya 124.8 milyon manat artıb və hesabat dövrünün sonuna cəmi kredit portfeli 1 421.6 milyon manat təşkil edib.
• Kredit portfelinin 75.5%-i biznesə ayrılmış kreditlər təşkil edir və biznes portfelinin həcmi 1 074.0 milyon manatdır.
• Depozit portfeli 4.5% və ya 46.9 milyon manat artıb və hesabat dövrünün sonuna 1 092.0 milyon manat təşkil edib.
• Eyni zamanda, AccessBank cari il ərzində beynəlxalq nüfuzlu xarici kreditorlardan 154.9 milyon manat həcmində kredit cəlb etmişdir. Bu da əhali və bizneslər üçün maliyyə əlçatanlığını təmin etməyə etibarlı zəmin yaradır.
• Bankın aktivləri 1.9 milyard manata çatır, bu da ötən ilin müvafiq dövrü ilə müqayisədə 16.3% çoxdur.
• Faiz gəlirləri ötən ilin müvafiq dövrü ilə müqayisədə 15.5% artaraq 216.1 milyon manata yüksəlib. Xalis faiz gəlirləri isə 16.2 milyon artaraq 130.4 milyon manat təşkil edib.
• Əlavə olaraq, hesabat dövrü ərzində qeyri-faiz gəlirləri 12.7 milyon manat olub.
• Nəticədə, xalis əməliyyat mənfəəti 2026-cı ilin hesabat dövrünün sonunda 63.6 milyon manata çatıb.
• Bankın likvidlik mövqeyi dayanıqlıdır və likvidlik əmsalı 98.8% təşkil edir ki, bu da AMB-ın tələb etdiyi minimum normadan 3.3 dəfə yüksəkdir.
AccessBank Azərbaycanın mikromaliyyələşdirmə bazarında lider olaraq, 2002-ci ildən kiçik və orta bizneslərə xidmət göstərir. Bankın səhmdarları sırasında Asiya İnkişaf Bankı, Avropa İnvestisiya Bankı, Beynəlxalq Maliyyə Korporasiyası kimi beynəlxalq təşkilat və qurumlar yer alır. Bankın 14-ü Bakıda, 25-ü bölgələrdə olmaqla, 39 filialı fəaliyyət göstərir və müştərilər üçün əlçatan maliyyələşdirmə imkanlarını təqdim etməyə davam edir. Filiallar haqqında əlavə məlumat üçün bura daxil ola bilərsiniz.
Bankın xidmətləri haqqında daha ətraflı məlumat əldə etmək üçün 151 Əlaqə Mərkəzinə zəng etmək, həmçinin www.accessbank.az saytına və ya bankın müxtəlif sosial şəbəkələrdə olan səhifələrinə (Facebook, Instagram, LinkedIn) müraciət edə bilərsiniz.
*AccessBank QSC Azərbaycan Respublikası Mərkəzi Bankı tərəfindən 25 oktyabr 2002-ci il tarixli 245 saylı lisenziya əsasında fəaliyyət göstərir. Bankın Baş ofisi Bakı şəhəri, Yasamal rayonu, Tbilisi prospekti 3 ünvanında yerləşir.
