Maliyyə Nazirliyi dövlət istiqrazlarının yerləşdirilməsi üzrə hərrac keçirəcək
25.09.2026
Sentyabrın 29-da Azərbaycan Respublikası Maliyyə Nazirliyinin dövlət istiqrazlarının Bakı Fond Birjasında (BFB) yerləşdirilməsi üzrə hərrac keçiriləcək.
İSİN kodunun verilmə tarixi
2026-cı il 23 sentyabr
Qiymətli kağızın İSİN kodu
AZ0201240055
İstiqrazın növü
kuponlu, ortamüddətli dövlət istiqrazları
Qiymətli kağızın nominal dəyəri
100,00 (bir yüz) manat
Qiymətli kağızın miqdarı
2.000.000 (iki milyon) ədəd
Məcmu nominal dəyəri
200.000.000,0 (iki yüz milyon) manat
Kupon dərəcəsi
7,0%
Tədavül müddəti
1080 gün
Kupon ödənişləri
2027-ci il 29 mart, 2027-ci il 29 sentyabr, 2028-ci il 29 mart, 2028-ci il 29 sentyabr, 2029-cu il 29 mart, 2029-cu il 29 sentyabr
Əsas məbləğin ödəniş tarixi
2029-cu il 29 sentyabr
Hərracın gedişi zamanı qeyri-rəqabətli sifarişlərin istiqrazların buraxılışının 20%-dən artıq olmamaq şərti ilə qəbul edilməsinə icazə verilir.
Bundan əlavə, hərrac iştirakçıları tərəfindən istiqrazların alınması üçün verilən sifarişlərin həcmi Emitent tərəfindən hərraca çıxarılmış istiqrazların həcminin 20%-dən aşağı olduğu təqdirdə, Emitent bu sifarişləri qəbul etməyə bilər. Yuxarıda qeyd edilən tarixdə həyata keçiriləcək hərracda dövlət istiqrazlarına tələb təklifi üstələyəcəyi və qiymət Emitenti qane edəcəyi halda, Emitent tərəfindən təklif edilən istiqrazların həcmi 100 faizədək artırıla bilər.
