Azərbaycanda 30 ilə yaxındır fəaliyyət göstərən Danimarkanın aparıcı səhiyyə şirkəti Novo Nordisk yenilənmiş brend kimliyini və şirkətin fəaliyyət prinsiplərini ifadə edən “The Novo Way” yanaşmasını təqdim edib. Bu yanaşmanın məqsədi daha çox insanın sağlamlığını yaxşılaşdırmaq və elmi yenilikləri gündəlik həyata tətbiq etməkdir.
Yeni brendin əsas mesajı “Sağlam gələcək bu gündən başlayır” (“Lasting Health Starts Now”) ifadəsidir. Bu yanaşma insanların sağlamlığında hər gün görə və hiss edə bildiyi irəliləyişə və uzunmüddətli nəticələrə diqqət çəkir.
Şirkət gündəlik fəaliyyətində “Novo” adından istifadə edəcək. Hüquqi adı isə ‘Novo Nordisk’ olaraq qalacaq. Yenilənmiş vizual kimlik şirkətin tarixini əks etdirən Apis öküzü loqosunu saxlayır və brendə daha müasir görünüş verir.
Novo-nun prezidenti və baş icraçı direktoru Mike Doustdar bildirib ki, piylənmə və diabet kimi sahələrdəki irəliləyişlərə baxmayaraq, qarşılanmamış müalicə ehtiyacları hələ də böyükdür. İnsanların səhiyyədən gözləntiləri də dəyişir. Səhiyyə onların ehtiyaclarına daha çevik cavab verməli və gündəlik həyatına daha asan uyğunlaşmalıdır. Şirkətin insanların həyatını yaxşılaşdırmaq məqsədi isə dəyişmir.
“The Novo Way” şirkətin fəaliyyətini dörd prinsip üzərində qurur:
• Müştəriyönümlülük. Bütün atılan addımların mərkəzində birbaşa pasiyentin ehtiyac və maraqlarını saxlamaq.
• Yüksək perfomans və rəqabət üstünlüyü. Bütün tərəfdaşlarımız üçün daha yüksək dəyər qatmaq məqsədi ilə performansımızı daim inkişaf etdirmək
• Sadə iş prinsipləri. Aydın prioritetlər, optimallaşdırılmış proseslər vasitəsilə qərarların qəbulu və məhsulların bazara təqdim olunmasını sürətləndirmək.
• Qayğı və dürüstlük. Pasiyent təhlükəsizliyi və etik prinsiplər mövzularında güzəştə getməmək.
Bu prinsiplər şirkətin elmi təcrübəsinə, insanlara qayğısına və pasiyent təhlükəsizliyinə sadiqliyinə əsaslanır. Yenilənmə Novo-nun daha çevik işləməsinə və səhiyyədə etibarlı tərəfdaş kimi mövqeyini gücləndirməsinə xidmət edir.
Novo haqqında
Novo 1923-cü ildə təsis edilmiş və baş ofisi Danimarkada yerləşən aparıcı qlobal səhiyyə şirkətidir.
Şirkət təxminən 68 800 əməkdaşı ilə 80 ölkədə fəaliyyət göstərir və məhsullarını təxminən 170 ölkədə təqdim edir.
Azərbaycanda da 30 ilə yaxındır fəaliyyət göstərən şirkətin əsas diqqəti diabet, artıq çəki və piylənmə ilə yaşayan insanların müalicə imkanlarına çıxışının yaxşılaşdırılmasına, səhiyyə mütəxəssislərinin dəstəklənməsinə və xroniki xəstəliklər barədə maarifləndirmənin artırılmasına yönəlib və Azərbaycanda daha sağlam gələcəyin formalaşmasına töhfə verməyi hədəfləyir.
