Azərbaycan Respublikası Dövlət Gömrük Komitəsi Tibbi Xidmət İdarəsinin rəis müavini Şahlar Mirqasım 22 may 2023-cü il tarixində Ümumdünya Gömrük Təşkilatının təşkilatçılığı ilə keçirilən “COVID-19 Layihəsinin Qlobal vebinar”ında iştirak edib. 

Onlayn formatda keçirilən tədbiri açılışı nitqi ilə açan Ümumdünya Gömrük Təşkilatının Baş katibi Kunio Mikuriya “COVID-19 Layihəsinin” uğurla başa çatmasını vurğulamış, bu istiqamətdə Ümumdünya Gömrük Təşkilatının həyata keçirdiyi geniş miqyaslı layihələri barədə məlumat verib.

Dünyanın 50-dən çox ölkəsini təmsil edən nümayəndələr vebinarın işinə qoşulublar.

Onlayn formatda keçirilən tədbir iştirakçılarına Ümumdünya Gömrük Təşkilatının 2020-ci ilin iyulunda start verilmiş və 2023-cü ildə sona çatmış COVID-19 layihəsinin nəticələri və nailiyyətləri barədə ətraflı məlumat verilib. Həmçinin benefisiarlarla fövqəladə halların idarə edilməsi sahəsinə dair təcrübələrin, o cümlədən COVID-19 pandemiyasına cavab vermək yolları və gələcəkdə baş verəcək köklü dəyisikliklərə səbəb olan hadisələrə hazırlığı artırmaq məqsədilə qabaqcıl təcrübələrin mübadiləsi aparılıb.