2026-cı ilin ilk altı ayı ərzində Azərbaycan Biznesinin İnkişaf Fondu (ABDF) tərəfindən müvəkkil kredit təşkilatları vasitəsilə sahibkarlara məxsus 3004 layihənin maliyyələşdirilməsinə 136,5 milyon manat güzəştli kredit verilib.
Bu ilin altı ayı ərzində sahibkarların investisiya layihələrinə verilmiş güzəştli kreditlərin sayına görə "Bank Respublika" ASC, "AccessBank" QSC, "Rabitəbank" ASC, "Yelo Bank" ASC və "Kapital Bank" ASC fərqlənib. Həmin dövrdə verilmiş güzəştli kreditlərin məbləği üzrə fərqlənən müvəkkil kredit təşkilatlarına isə "Bank Respublika" ASC, "AccessBank" QSC, "Kapital Bank" ASC, "Rabitəbank" ASC və "Paşa Bank" ASC daxildir.
Qeyd edək ki, sahibkarlar ABDF-nin güzəştli kreditlərindən yararlanmaq üçün müvəkkil kredit təşkilatlarına müraciət etməlidirlər. Müvəkkil kredit təşkilatlarına Fondun əməkdaşlıq etdiyi banklar, bank olmayan kredit təşkilatları və kredit ittifaqları aiddir.
