Azərbaycanın rəqəmsal kontent və sosial media sahəsində ilk dəfə təşkil olunan Bloger və İnfluenserlər Forumu “Facemark” şirkətinin təşkilatçılığı ilə 6 iyun tarixində Bakı Konqres Mərkəzində baş tutacaq.
Forum öncəsi tədbirin spikerləri ilə görüş keçirilib, proqram axını, panel mövzuları və iştirakçılar üçün nəzərdə tutulan yeniliklər müzakirə olunub. Görüş zamanı forumun əsas məqsədinin ölkənin aparıcı blogerlərini, influenserlərini, marketinq və kommunikasiya sahəsinin nümayəndələrini bir platformada bir araya gətirmək olduğu vurğulanıb.
Tədbir “Times Consulting” şirkətinin Gold sponsorluğu, “Teymur Collection”, “Molokan Mood”, “The GYM” və “By Hollywood” şirkətlərinin panel sponsorluğu, “Insure.az” və “Başkent”in sponsorluğu, “Markup Agency”nin dəstəyi ilə keçirilir. Sözügedən şirkətlərin dəstəyi ilə forum iştirakçılara daha geniş şəbəkələşmə imkanları, innovativ yanaşmalar və peşəkar müzakirələr təqdim edəcək.
Forum 6 panel üzrə davam edəcək. Tədbirin ilk paneli “Əyləncə və yumor” paneli olacaq. Tədbir çərçivəsində şəxsi brendinq, rəqəmsal marketinq, sosial media strategiyası, kontent istehsalı və influenser marketinqi kimi aktual mövzular üzrə panel müzakirələri və çıxışlar təşkil olunacaq. Panel müzakirələri eyni anda zal 3 və zal 4-də keçiriləcək, iştirakçılar fərqli mövzularda çıxış və sessiyalara qoşulmaq imkanı əldə edəcəklər.
ZAL 3
Panel 1 – Əyləncə və yumor
Moderator: Pərviz Hüseynli - Jurnalist, aparıcı və influenser, redaktor
Spiker: Azər Aydəmirov - Aktyor, ssenarist, prodüser
Spiker: Elcan Rəsulov - Layihə rəhbəri, aparıcı və aktyor
Spiker: Rəfin Cəfərov - Videobloger
Spiker: Ervin Paşa - Dublyaj aktyoru
Panel rəqəmsal məzmun istehsalı, yumorun auditoriya ilə əlaqədə rolu və əyləncə sektorunda yaradıcı yanaşmalar ətrafında müzakirələrlə yadda qalacaq. Panel zamanı spikerlər sosial mediada diqqət çəkən kontentin hazırlanması, videoməzmunun inkişafı, dublyaj və aktyorluq sahəsində təcrübələr, eləcə də şəxsi brendin formalaşdırılması mövzularında öz baxışlarını bölüşəcəklər.
Panel 2 – İdman və sağlamlıq
Moderator: Vəfa Şeydayeva - Nutrisioloq və qidalanma davranışı üzrə mütəxəssis, Fitness məşqçi
Spiker: Fərid Eyyubov - Qidalanma üzrə bələdçi , məşqçi
Spiker: Gulya Əliyeva - Fitness təlimçisi, qidalanma mütəxəssisi
Spiker: Fövqi Əfəndi - Fitway Group təsisçisi, qida mühəndisi və master məşqçi
“İdman və sağlamlıq” paneli sağlam həyat tərzi, idmanın gündəlik həyata təsiri və rəqəmsal dövrdə sağlamlıq kontentinin rolu ətrafında maraqlı müzakirələrlə davam edəcək. Panel iştirakçıları sosial mediada sağlam yaşam trendləri, motivasiya yaradan məzmunun hazırlanması, idman və şəxsi intizamın uğura təsiri, eləcə də auditoriya ilə düzgün kommunikasiya mövzularında öz təcrübələrini bölüşəcəklər.
Panel 3 – Biznes və şəxsi brendinq
Moderator: Aynur Xəlilova - Geyim dizayneri, podkaster
Spiker: Anar Ağakişiyev - Beauty Academy by Anar Təsisçi
Spiker: Tural Yusifov - Bloger, Media sahibkarı, radio aparıcısı, podkaster
Spiker: İlkin Qəhrəmanlı - Garden Shop-un təsisçisi Cafe Botanist, Fuzzy və Cake Lab layihələrinin həmtəsisçisi
Spiker: Esmira Quluzadə - Ballı Bisi Şirniyyat evinin təsisçisi
Spiker: Əliyar Qasımov – Hollywood Group-un təsisçisi
Panel çərçivəsində şəxsi brendin biznes uğuruna təsiri, sosial mediada etibarın qurulması, kontent strategiyası, auditoriya ilə düzgün kommunikasiya və rəqəmsal platformalarda fərqlənmək yolları müzakirə olunacaq.
ZAL 4
Panel 1 – İnsan və mədəniyyət
Məruzəçi: Rahib Azəri – Əməkdar mədəniyyət işçisi
Moderator: DJ Fateh - Redaktor, kinossenarist, radioaparıcı, teleaparıcı
Spiker: Aqşin Yenisey - Şair, publisist, yazıçı
Spiker: Müşfiq Ötgün - Bakı Slavyan Universitetinin dosenti Filosof, fəlsəfə üzrə fəlsəfə doktoru
Spiker: Elməddin Cəfərov - Çoxsaylı serialların layihə rəhbəri, aktyor
Spiker: Orxan Fərəcli - Dövlət Təhlükəsizliyi Xidməti Hərbi Tibb Baş İdarəsi, Nəfəs Psixonevroloji Sağlamlıq Mərkəzi Həkim psixiatr
“İnsan və mədəniyyət” paneli müasir dövrdə insan faktorunun, dəyərlərin və mədəniyyətin cəmiyyətə, biznesə və kommunikasiya mühitinə təsiri mövzusuna həsr olunub. Panel çərçivəsində dəyişən dünyada insan münasibətləri, təşkilati mədəniyyət, yaradıcılıq, sosial davranışlar və mədəniyyətin fərdi inkişaf üzərində rolu müzakirə ediləcək.
Panel 2 – Həyat tərzi və səyahət
Nərmin Knyazlı - İnfluenser, televiziya və radio aparıcısı
Sevda Məmməd - Bizness Strateq, təsisçi, influenser
Azər Qərib - Səyyah, Jurnalist, bloger
Tina Orucova – Hermano şirkəti, əməliyyatlar üzrə direktor
Günel Qurbanova - İnfluenser, She Art aksessuar brendinin sahibi
Toğrul Qurbanov - İnfluenser, Youtuber
Spikerlər şəxsi təcrübələri əsasında səyahət və həyat tərzi kontentinin yaradılması, sosial mediada autentik təqdimat, turizm və rəqəmsal media əlaqəsi, eləcə də auditoriya üçün ilhamverici və faydalı məzmun formalaşdırılması haqqında fikir mübadiləsi aparacaqlar.
Panel 3 – Mətbəx və yemək
Moderator: Vüsalə Əlizadə - Televiziya aparıcısı
Spiker: Kənan Bədəlov - Yemək blogeri
Spiker: Miryusif Mirzəzadə - Yemək blogeri
Spiker: Nigar Asgar - Qida, həyat tərzi və texnologiya üzrə kontent yaradıcısı
Spiker: İnci Həsənzadə - Qida təhlükəsziliyi üzrə mütəxəssis, Yemək blogeri
“Mətbəx və yemək” paneli kulinariya dünyasının müasir trendləri, yemək mədəniyyəti və gastronomiyanın rəqəmsal mediada rolu mövzusuna həsr olunub. Panel çərçivəsində yeməyin yalnız qidalanma deyil, həm də mədəniyyət, həyat tərzi və kontent istiqaməti kimi formalaşması müzakirə ediləcək.
Bloger və influenserlərin iştirak etdiyi görüş çərçivəsində rəqəmsal media mühitinin inkişafı, kontent yaradıcılığında yeni trendlər və auditoriya ilə daha effektiv kommunikasiya yolları ətrafında geniş müzakirələr aparılıb.
Qeyd edək ki, forum üçün əldə olunan biletlər iştirakçılara Milli Marketinq Forumunda da iştirak imkanı yaradır. Eyni məkanda və eyni gündə keçiriləcək hər iki tədbir iştirakçılara həm marketinq dünyasının peşəkar tərəfini, həm də rəqəmsal kontent və influenser ekosistemini bir arada kəşf etmək fürsəti təqdim edəcək.
Biletləri əldə etmək üçün bifbaku.az saytına daxil ola bilərsiniz.
