AccessBank qadınların biznes mühitində daha fəal iştirakını təşviq etmək və sahibkarlıq bacarıqlarının inkişafına dəstək vermək məqsədilə həyata keçirdiyi “Access2Success” layihəsinin 2026-cı il üzrə ilk regional tədbirini Quba şəhərində təşkil edib.
Tədbir müxtəlif fəaliyyət sahələrini təmsil edən qadın sahibkarları bir araya gətirərək təcrübə və bilik mübadiləsi üçün səmərəli platforma rolunu oynayıb. Proqram çərçivəsində iştirakçılar biznesin idarə olunması, mövcud bazar tendensiyaları və inkişaf perspektivləri ilə bağlı aktual mövzular ətrafında müzakirələr aparıblar. İnteraktiv formatda keçirilən görüş zamanı sahibkarlar yeni işgüzar əlaqələr qurub, potensial əməkdaşlıq imkanlarını dəyərləndirib və biznes şəbəkələrini genişləndirmək imkanı əldə ediblər.
Layihə çərçivəsində AccessBank-ın mütəxəssisləri tərəfindən biznes idarəçiliyinin əsas istiqamətlərini əhatə edən təlim sessiyaları keçirilib. Sessiyalarda maliyyə savadlılığı, sahibkarlıq fəaliyyətinin hüquqi əsasları, marketinq alətləri və şəxsi brendin formalaşdırılması kimi mövzulara xüsusi diqqət ayrılıb. Görüş zamanı iştirakçılar bizneslərinin inkişafı, satış imkanlarının genişləndirilməsi və bazarda daha dayanıqlı mövqenin formalaşdırılması ilə bağlı fikir mübadiləsi aparıblar.
Təlim proqramının sonunda iştirakçılara AccessBank tərəfindən sertifikatlar təqdim olunub.
Qeyd edək ki, AccessBank “Access2Success” layihəsinə 2022-ci ildə start verib. Layihə indiyədək Bakı şəhəri və regionlarda yüzlərlə qadın sahibkarın biznes biliklərinin və liderlik bacarıqlarının artırılmasına dəstək göstərib. Proqram çərçivəsində iştirakçılar strateji planlaşdırma, satış və marketinq, elektron ticarət, insan resurslarının idarə olunması, hesabatlılıq və digər biznes yönümlü sahələr üzrə praktiki biliklər əldə ediblər.
AccessBank qadın sahibkarlığının inkişafına dəstəyini davam etdirərək regionlarda biznes mühitinin gücləndirilməsinə və sahibkarların dayanıqlı inkişafına töhfə verməyə davam edir.
AccessBank Azərbaycanın mikromaliyyələşdirmə bazarında lider olaraq, 2002-ci ildən kiçik və orta bizneslərə xidmət göstərir. Bankın səhmdarları sırasında Asiya İnkişaf Bankı, Avropa İnvestisiya Bankı, Beynəlxalq Maliyyə Korporasiyası kimi beynəlxalq təşkilat və qurumlar yer alır. Bankın 14-ü Bakıda, 25-ü bölgələrdə olmaqla, 39 filialı fəaliyyət göstərir və müştərilər üçün əlçatan maliyyələşdirmə imkanlarını təqdim etməyə davam edir. Filiallar haqqında əlavə məlumat üçün bura daxil ola bilərsiniz.
Bankın xidmətləri haqqında daha ətraflı məlumat əldə etmək üçün 151 Əlaqə Mərkəzinə zəng etmək, həmçinin www.accessbank.az saytına və ya bankın müxtəlif sosial şəbəkələrdə olan səhifələrinə (Facebook, Instagram, LinkedIn) müraciət edə bilərsiniz.
*AccessBank QSC Azərbaycan Respublikası Mərkəzi Bankı tərəfindən 25 oktyabr 2002-ci il tarixli 245 saylı lisenziya əsasında fəaliyyət göstərir. Bankın Baş ofisi Bakı şəhəri, Yasamal rayonu, Tbilisi prospekti 3 ünvanında yerləşir.
