27 aprel 2026-cı il tarixində Bakı Fond Birjası və EY Azərbaycan-ın birgə təşkilatçılığı ilə “Listinqin vergi baxımından üstünlükləri” mövzusunda tədbir keçirilib. Tədbir EY Tax Club-a üzv olan şirkət nümayəndələrini bir araya gətirərək, listinqin vergi və kapital bazarları baxımından yaratdığı imkanların müzakirəsi üçün platforma rolunu oynayıb.

Tədbir Bakı Fond Birjasının İdarə Heyətinin sədr müavini, Baş Kommersiya İnzibatçısı Oqtay Qasımov və EY Azərbaycan-ın Vergi və Hüquq Xidmətləri üzrə partnyoru Arzu Hajiyevanın açılış nitqləri başlayıb. 

Daha sonra Arzu Hajiyevanın moderatorluğu ilə davam panel müzakirələrində spikerlər PAŞA Bankın Treydinq şöbəsinin rəhbəri Sərxan Piriyev və Bakı Fond Birjasının Listinq bölməsinin rəhbəri Fərhad Mansurov Azərbaycanda səhm bazarının tənzimləmə çərçivəsinin son dövrlərdə əhəmiyyətli inkişafı, yeni listinq qaydalarının bazarın strukturuna və keyfiyyətinə təsiri, səhmlərin bölüşdürülməsi qaydaları və s. barədə ətraflı məlumat veriblər.

Müzakirələr zamanı PAŞA Bank nümunəsi üzərindən IPO-dan sonrakı dövrdə səhmlərin alqı-satqısı imkanları, gündəlik bazar qiymətlərinin izlənilməsi üsulları, səhmin qiymətinə təsir edən əsas amillər və dividend siyasətinin investorlar üçün əhəmiyyəti barədə ətraflı məlumat təqdim olunub.

Tədbirin sonunda iştirakçıların sualları cavablandırılıb və aktiv müzakirələr aparılıb.