Aprel ayının 14-də Mərkəzi Bankın baş direktoru Şahin Mahmudzadənin rəhbərliyi ilə 2025-ci il üzrə Maliyyə sabitliyi hesabatına həsr olunmuş mətbuat konfransı keçirilib. Konfransda baş direktor Şahin Mahmudzadə 2025-ci il ərzində Mərkəzi Bank tərəfindən maliyyə sektoruna olan etimadın möhkəmləndirilməsi, risklərin minimallaşdırılması, sektorda idarəetmə potensialının və şoklara qarşı dayanıqlılığın artırılmasına yönəlmiş təşəbbüsləri diqqətə çatdırıb.

Tədbirin davamında Mərkəzi Bankın Maliyyə sabitliyi departamentinin direktoru Ataxan Həsənov 2025-ci il üzrə Maliyyə sabitliyi hesabatına dair təqdimatla çıxış edib. Təqdimat çərçivəsində maliyyə sabitliyinin təhlili üzrə əsas nəticələr, maliyyə sektorunda müşahidə olunan inkişaf meyilləri, həmçinin tənzimləmə-nəzarət çərçivəsinin modernləşdirilməsi istiqamətində görülən işlər əhatə olunub.

Mətbuat konfransının sonunda media nümayəndələrinin mövzu üzrə sualları cavablandırılıb.