Azərbaycan Respublikasının Maliyyə Nazirliyi-nin dəstəyi ilə həyata keçirilən “Dövlət sektorunda peşəkar mühasiblərin hazırlanması” layihəsi uğurla yekunlaşmışdır.

Layihənin icrası Azərbaycan Mühasiblər və Risk Peşəkarları Assosiasiyası (ARPA İB) tərəfindən təmin edilmişdir.

10 oktyabr 2024-cü il tarixində bağlanmış müqavilə əsasında həyata keçirilən layihə çərçivəsində ölkənin 36 ərazi-inzibati vahidini əhatə edən 6 region üzrə büdcə təşkilatlarında çalışan baş mühasiblər və aidiyyəti əməkdaşlar üçün peşəkar mühasib sertifikatı imtahanlarına hazırlıq təlimləri təşkil olunmuşdur.

Təlim proqramları aşağıdakı istiqamətləri əhatə etmişdir:

    • nəzəri biliklərin sistemli şəkildə möhkəmləndirilməsi, 

    • praktiki bacarıqların inkişaf etdirilməsi, 

    • sertifikatlaşma prosesinə məqsədyönlü və strukturlaşdırılmış hazırlığın təmin olunması. 

Layihə müddətində müxtəlif regionları təmsil edən çoxsaylı maliyyə mütəxəssisləri təlim prosesinə cəlb edilmiş, onların peşəkar inkişafına əhəmiyyətli töhfə verilmişdir.

31 yanvar 2026-cı il tarixində layihə üzrə bütün öhdəliklər tam şəkildə icra edilmiş, yekun təhvil-təslim prosesi uğurla başa çatdırılmışdır.

Qeyd edək ki, layihənin icrası dövlət sektorunda maliyyə idarəçiliyinin keyfiyyətinin yüksəldilməsi, şəffaflığın artırılması və hesabatlılıq mexanizmlərinin gücləndirilməsi baxımından mühüm əhəmiyyət kəsb edir.

Əlaqə vasitələri: 055 250 47 96 

Email: office@arpa.org.az