Ümumdünya Gömrük Təşkilatının (ÜGT) Amerika və Karib Hövzəsi üzrə Regional Sədr müavini qismində Peru Gömrük və Vergi Administrasiyasının (SUNAT) təşəbbüsü ilə “K9 Təlimçiləri üçün Potensialın Gücləndirilməsi” mövzusunda Regional Seminar keçirilib.
Dövlət Gömrük Komitəsi ilə Peru Gömrük və Vergi Administrasiyası arasında əməkdaşlığın genişləndirilməsi istiqamətində reallaşdırılan təşəbbüslər çərçivəsində keçirilən seminarda regionu təmsil edən gömrük administrasiyalarının 320-dən çox əməkdaşı iştirak edib.
Tədbir çərçivəsində Dövlət Gömrük Komitəsinin Kinoloji Mərkəzi tərəfindən təqdimat keçirilib, mərkəzin fəaliyyəti, xidməti itlərin hazırlanması sahəsində tətbiq olunan müasir yanaşmalar, əməliyyat təcrübəsi, eləcə də əldə olunmuş nəticələr barədə ətraflı məlumat verilib.
