Mərkəzi Bank tərəfindən İsveçrənin İqtisadi Əlaqələr üzrə Dövlət Katibliyi (SECO) və Cenevrə Ali İnstitutunun İkitərəfli Yardım və Mərkəzi Bankların Potensialının Gücləndirilməsi (BCC) birgə proqramı çərçivəsində “Likvidlik şəraitindən asılı overnayt banklararası faiz dərəcəsinin dəyişkənliyi: əsas determinantlar və siyasət tövsiyələri” mövzusunda tədqiqat işi həyata keçirilib.

Proqram çərçivəsində elmi tədqiqat işinin müəlliflərindən olan Mərkəzi Bankın baş direktoru Vüqar Əhmədov, Tədqiqatlar departamentinin əməkdaşları Aygün Qarayeva, Elmir Muxtarov və Əli Hacılı 2025-ci ildə üç ay ərzində xarici ekspertlə birgə elmi tədqiqat üzərində çalışıb. Müvafiq tədqiqat işi mart ayında Cenevrə Ali İnstitutunun platformasında işçi məqalələr silsiləsində dərc edilib.

İşçi məqaləyə aşağıdakı link vasitəsilə keçid edə bilərsiniz:

https://bccprogramme.org/wp-content/uploads/2026/03/HEIDWP07-2026-Ahmadov-Hajili-Garayeva-Mukhtarov.pdf

Müvafiq tədqiqat işi Mərkəzi Bankın rəsmi saytında işçi məqalələr bölməsində də yerləşdirilib:

https://uploads.cbar.az/assets/c404c319f12b7d12586dae457.pdf

BCC proqramı çərçivəsində həyata keçirilən əməkdaşlıq 2014-cü ildən başlayıb və uğurla davam edir. Mərkəzi Bankın əməkdaşlarının müxtəlif illərdə həyata keçirdiyi tədqiqat işləri proqramın müvafiq platformasında işçi məqalə kimi yerləşdirilib və beynəlxalq elmi ictimaiyyət üçün əlçatandır (https://bccprogramme.org/research/).

Mərkəzi Bankda tədqiqat potensialının gücləndirilməsinə, tədqiqat işlərinin beynəlxalq səviyyədə tanınmasına xüsusi önəm verilir. Bu istiqamətdə həyata keçirilən layihələrin gələcək illərdə də aktiv şəkildə davam etdirilməsi nəzərdə tutulub.

BCC proqramı çərçivəsində son illərdə dərc olunmuş bir neçə işçi məqalə məlumat üçün aşağıdakı keçiddə yerləşdirilib:

https://bccprogramme.org/wp-content/uploads/2025/08/HEIDWP12-2025-Bakhshaliyev-Ahmadov.pdf

https://bccprogramme.org/wp-content/uploads/2022/10/Huseynov_Valirzayev_Ramazanova-HEIDWP23-2022.pdf