10 Mart tarixində Azərbaycan Mühasiblər və Risk Peşəkarları Assosiasiyası İctimai Birliyi (ARPA İB) Dünya Bankının nümayəndələri ilə mühasibat uçotu və audit sahəsinin inkişafı müzakirə olunub.
Görüşdə Azərbaycanda mühasibat uçotu və audit sahəsinin mövcud vəziyyəti, inkişaf perspektivləri və beynəlxalq standartlara uyğunluq məsələləri müzakirə edilib.
Həmçinin görüşdə Dünya Bankı tərəfindən həyata keçirilən Mühasibat Uçotu və Audit üzrə Standartlara və Qaydalara Riayət Edilməsi Hesabatı (A&A ROSC) çərçivəsində Azərbaycanda mühasibat uçotu və audit sahəsinin qiymətləndirilməsi layihəsi ilə bağlı təşkil olunub.
Görüş zamanı ölkədə mühasibatlıq və audit peşəsinin mövcud vəziyyəti, bu peşələrə yiyələnmə imkanları, peşə səriştəsinin qorunması və davamlı inkişaf mexanizmləri, eləcə də peşəkar mühasibat təşkilatlarının rolu və fəaliyyəti barədə fikir mübadiləsi aparılıb.
Bildirilib ki, həyata keçirilən qiymətləndirmə ölkədə mühasibat uçotu və audit sisteminin mövcud vəziyyətinin təhlilinə, güclü tərəflərin müəyyən edilməsinə və gələcək inkişaf istiqamətlərinin müəyyənləşdirilməsinə imkan yaradır. Eyni zamanda, bu proses sahə üzrə maraqlı tərəflər arasında əməkdaşlığın gücləndirilməsi və inkişaf yönümlü dəyişikliklərin təşviqi baxımından mühüm əhəmiyyət daşıyır.
