Müasir kommunikasiya mühitində PR və SMM anlayışları çox zaman qarışdırılır. Xüsusilə sosial şəbəkələrin gücləndiyi dövrdə bir çox təşkilatlar düşünür ki, aktiv paylaşım etmək PR deməkdir. Halbuki bu iki istiqamət fərqli məqsədlərə, fərqli strategiyalara və fərqli nəticələrə xidmət edir.

PR nədir?

PR (Public Relations) – ictimaiyyətlə əlaqələr deməkdir. PR-in əsas məqsədi təşkilatın müsbət imicini formalaşdırmaq, reputasiyasını qorumaq və cəmiyyətlə uzunmüddətli etimad münasibəti qurmaqdır. PR qısamüddətli deyil. O, strateji və davamlı prosesdir.

İnsanlar sizi necə görür, necə qəbul edir və nə qədər güvənir – bu PR-ın nəticəsidir.

SMM nədir? SMM (Social Media Marketing) – sosial media marketinqidir.

SMM-in əsas məqsədi sosial platformalar vasitəsilə auditoriyanı cəlb etmək və satışın, müraciətlərin və xidmətə tələbatın artırılmasını təmin etməkdir.

SMM daha çox ölçülə bilən nəticələr üzərində işləyir: Neçə baxış oldu? Reklam neçə satış gətirdi? SMM daha çox kommersiya yönümlüdür.

PR və SMM arasındakı strateji fərq

PR-in məqsədi – imici və reputasiyanı artırmaqdır.
SMM-in məqsədi – satış və müraciətləri artırmaqdır.

PR daha çox uzunmüddətli inam yaradır.
SMM isə qısamüddətli nəticə göstərir.

PR – uzunmüddətli strategiyadır.
SMM – kampaniya yönümlüdür.

Məsələn, PR illərlə formalaşır.
Amma SMM kampaniyası bir neçə həftəyə nəticə verə bilər.

Təsir mexanizmi

PR insanlarda emosional və psixoloji etibar yaradır.
SMM isə qərarverməni sürətləndirir.

Sadə dillə:

Platforma fərqi

PR yalnız sosial şəbəkə deyil.
PR aşağıdakı istiqamətləri əhatə edir:

Tibb sektorunda PR və SMM-in rolu

Tibb sahəsində bu fərq daha həssasdır. Çünki burada əsas məsələ satış yox, etibardır.

Əgər Tibb müəssisəsinin reputasiyası güclü deyilsə, nə qədər reklam edilsə də insanlar tərəddüd edə bilər.

Bu səbəbdən tibb sektorunda ilk mərhələdə PR üzərində ciddi iş aparılır:

Bundan sonra SMM vasitəsilə bu güclü reputasiya üzərində müraciətlər artırılır.

PR olmadan SMM risklidir

Əgər təşkilatın imici zəifdirsə, SMM qısamüddətli nəticə versə də, davamlı uğur gətirməz.

Çünki insanlar ilk növbədə güvənmək istəyir.

PR etimadı qurur.
SMM həmin etimadı satışa çevirir.

Müqayisə cədvəli

Uğurlu kommunikasiya strategiyası üçün əvvəl etibar, sonra satış gəlməlidir.