Sahibkarlardan və dövlət qurumlarının əməkdaşlarından ibarət 32 komandanın iştirakı ilə 23 noyabr 2025-ci il tarixində start götürən ənənəvi “Marsol Minifutbol Turniri 2025” uğurla yekunlaşıb.

Fevralın 6-da keçirilən final mərhələsində Kiçik və Orta Biznesin İnkişafı Agentliyinin “KOBİA” komandası “Global Logistics” üzərində 4:1 hesablı qələbə qazanaraq turnirin qalibi olub. “Global Logistics” komandası ikinci yerə layiq görülüb. Üçüncü yer uğrunda keçirilən qarşılaşmada isə “SOCAR GİPRO” komandası “Birbank” üzərində 3:2 hesablı qələbə qazanaraq bürünc medallara sahib çıxıb.

Turnirin yekununda qalib və mükafatçılara kubok, medal və müxtəlif hədiyyələr təqdim olunub. 

Turnirin tərəfdaşları KOBİA, "Marsol Group", İş Adamları Cəmiyyətinin Milli Assosiasiyası və Azərbaycan Minifutbol Federasiyası, təşkilatçısı "QOLAT Sport Services", baş sponsoru Şəki Peşəkar Futbol Klubu, sponsoru "Modern Hospital", promo tərəfdaşı isə "Moon Group" olub.