26 iyun 2025-ci il tarixində Azərbaycan Banklar Assosiasiyasının (ABA) prezidenti Zakir Nuriyev və Assosiasiyanın icraçı direktoru Yunus Abdulov İstanbulda keçirilmiş “Ödəniş Sistemləri Zirvəsi” Forumunda iştirak etmişdirlər.

Türkiyə Banklar Birliyinin (TBB), Türkiyə Respublikası Mərkəzi Bankı (TCMB) və Bankçılıq Tənzimləmə və Nəzarət Qurumu (BDDK) ilə birgə təşkil olunan Forumda dövlət və özəl bankların rəhbərləri, tənzimləyici qurumların və ödəniş sistemləri təşkilatlarının 700 yaxın nümayəndəsi iştirak etmişdirlər.

Tədbirdə açılış nitqi ilə TBB İdarə Heyətinin sədri Alpaslan Çakar, TCMB-nin prezidenti Dr. Fatih Karahan eləcə də TCMB sədr müavini Prof. Dr. Hatice Karahan və BDDK sədr müavini Dr. Mustafa Aydın çıxış etmişlər. Çıxışlarda ödəniş sistemlərinin maliyyə sabitliyi və rəqəmsallaşma proseslərindəki həyati rolu vurğulanmışdır.

Beş tematik panel üzrə ödəmə sistemlərinin hazırkı vəziyyəti, texnoloji yeniliklər, təhlükəsizlik tədbirləri və regional yanaşmalar kimi mövzular ətrafında müzakirələr aparılmışdır.

ABA-nın rəhbər heyəti Foruma Türkiyə Banklar Birliyinin ikitərəfli əməkdaşlıq çərçivəsində dəvət edilmişdirlər.