Maliyyə Nazirliyində YAP ərazi ilk partiya təşkilatının yeni sədri seçilib

Noyabrın 6-da Yeni Azərbaycan Partiyası Nəsimi rayon təşkilatı “Səməd Vurğun 135” ünvanı (Azərbaycan Respublikası Maliyyə Nazirliyi) ərazi ilk partiya təşkilatının iclası keçirilib.

İclasda YAP Nəsimi rayon təşkilatının və Maliyyə Nazirliyinin rəhbər şəxsləri, eləcə də Nazirliyin YAP ərazi ilk partiya təşkilatının üzvləri iştirak ediblər. 

İclasda YAP ərazi ilk partiya təşkilatının sədri vəzifəsinə Maliyyə Nazirliyinin Aparatının rəhbəri Natiq Həsənovun namizədliyi irəli sürülüb və təklif səsə qoyulub.

N.Həsənov yekdilliklə YAP ərazi ilk partiya təşkilatının sədri seçilib.

Yeni Azərbaycan Partiyası Nəsimi rayon təşkilatı “Səməd Vurğun 135” ünvanı (Azərbaycan Respublikası Maliyyə Nazirliyi) ərazi ilk partiya təşkilatı 1999-cu ildə təsis olunub.