AccessBank qadın sahibkarlığının inkişafına dəstək məqsədilə həyata keçirdiyi Access2Success layihəsini bu dəfə Naxçıvanda təşkil etdi. Tədbirdə ticarət, əczaçılıq, zərgərlik, dəb və digər sahələrdə fəaliyyət göstərən qadın sahibkarlar iştirak ediblər.
Layihə çərçivəsində AccessBank-ın mütəxəssisləri iştirakçılar üçün maliyyə savadlılığı, sahibkarlığın hüquqi çərçivəsi və yoxlamalar, rəqəmsal marketinq, marketinq kommunikasiyaları və şəxsi brendin formalaşdırılması kimi mövzularda interaktiv sessiyalar təqdim ediblər. Təlim proqramının sonunda iştirakçılara AccessBank tərəfindən sertifikatlar təqdim olunub.
Access2Success layihəsi AccessBank-ın Azərbaycanda sahibkarlığın, xüsusilə də qadın sahibkarlığının inkişafına verdiyi dəstəyin bariz nümunəsidir. Layihə qadın sahibkarların bilik və bacarıqlarını gücləndirərək onların iqtisadi fəallığını və liderlik rolunu artırmağı hədəfləyir.
Qeyd edək ki, Access2Success layihəsinə AccessBank tərəfindən 2022-ci ildə start verilib. Bu müddət ərzində layihə yüzlərlə qadın sahibkar üçün strateji planlaşdırma, böhranların idarə olunması, satış və marketinq, e-ticarət, insan resursları və hesabatlılıq kimi istiqamətlərdə bilik və bacarıqların artırılmasına xidmət edib. Bank gələcəkdə layihəni daha geniş miqyasda, müxtəlif regionlarda davam etdirməyi və daha çox qadın sahibkara dəstək göstərməyi planlaşdırır.
AccessBank Azərbaycanın mikromaliyyələşdirmə bazarında lider olaraq, 2002-ci ildən kiçik və orta bizneslərə xidmət göstərir. Bankın səhmdarları sırasında Asiya İnkişaf Bankı, Avropa İnvestisiya Bankı, Beynəlxalq Maliyyə Korporasiyası kimi beynəlxalq təşkilat və qurumlar yer alır. Bankın 14-ü Bakıda, 22-i bölgələrdə olmaqla, 36 filialı fəaliyyət göstərir və MKOB-lar üçün əlçatan maliyyələşdirmə imkanlarını təqdim etməyə davam edir. Filiallar haqqında əlavə məlumat linkdə təqdim edilir: http://bit.ly/accessbank-filiallar .
Bankın xidmətləri haqqında daha ətraflı məlumat əldə etmək üçün 151 Əlaqə Mərkəzinə zəng etmək, həmçinin www.accessbank.az saytına və ya bankın müxtəlif sosial şəbəkələrdə olan səhifələrinə (Facebook, Instagram, LinkedIn) müraciət edə bilərsiniz.
*AccessBank QSC Azərbaycan Respublikası Mərkəzi Bankı tərəfindən təqdim edilən 25 oktyabr 2002-ci il tarixli 245 saylı lisenziya əsasında fəaliyyət göstərir. Bankın Baş ofisi Bakı şəhəri, Yasamal rayonu, Tbilisi prospekti 3 ünvanında yerləşir.
