11 sentyabr 2025-ci il tarixində Azərbaycan Banklar Assosiasiyası (ABA) ilə Qara Dəniz Ticarət və İnkişaf Bankının (BSTDB) prezidenti cənab Dr. Serhat Köksalın rəhbərlik etdiyi nümayəndə heyəti arasında görüş keçirilib.

Görüşdə ABA-nın prezidenti cənab Zakir Nuriyev və icraçı direktoru cənab Yunus Abdulov iştirak ediblər.

Tərəflər BSTDB ilə Azərbaycan bank sektoru arasında əməkdaşlıq imkanlarını, bankların beynəlxalq maliyyə institutları ilə əlaqələrinin genişləndirilməsini və maliyyə sektorunda yeni layihələrin reallaşdırılması perspektivlərini müzakirə ediblər.

Görüş zamanı Azərbaycan bank sektoru ilə tərəfdaşlığın BSTDB üçün strateji əhəmiyyət daşıdığı vurğulanıb və gələcəkdə birgə layihələrin həyata keçirilməsində qarşılıqlı maraq ifadə olunub.

Bu görüş, ABA ilə BSTDB arasında əməkdaşlığın dərinləşdirilməsi və yeni maliyyə imkanlarının yaradılması istiqamətində mühüm addım kimi qiymətləndirilib.