1 USD 1,7000    1 EUR 1,7895    1 RUB 0,0300    1 TRY 0,0980    XAU 3133,9330    XAG 36,9524    XPT 1594,4725    XPD 3153,5680   
           
/ Məzənnələr

 

 

 













Dünya xəbərləri


Beynəlxalq səviyyədə tanınma: Kaspersky yenidən son cihazların müdafiəsi üçün ən yaxşı həll istehsalçılarından biridir
22.06.2022

Radicati Group beynəlxalq tədqiqat agentliyi Kaspersky-ni son cihazların müdafiəsi sahəsində aparıcı şirkətlər (Top Player) sırasına daxil edib. Kaspersky Optimum Security həlli ardıcıl olaraq doqquz il yüksək qiymətlər alıb. Azərbaycanda o, Biznes üçün Kaspersky EDR Optimal və Kaspersky Managed Detection and Response Optimum məhsulları ilə təmsil olunur.

Kaspersky-nin məhsullar "resursları qənaətlə istehlak edən yüksək məhsuldar texnologiyalar" kateqoriyasında beynəlxalq səviyyədə tanınıb. Onlar həyati vacib sistem proseslərini qoruyur və maşın öyrənməsinə əsaslanan aşkarlama və yaddaş qoruma mexanizmlərindən istifadə edərək məlumat sızmalarının qarşısını alır. Hesabatda həmçinin vurğulanır ki, şirkətin həlləri geniş spektrli əməliyyat sistemləri və virtual mühitləri dəstəkləyir, “heterogen infrastruktura malik təşkilatlarda təhlükəsizlik idarəçiliyini sadələşdirir”.

Qeyd olunur ki, şirkətin texnologiyalarından istifadə asandır. Hesabata görə Kaspersky Security Center təşkilatlara son cihazların statusu ilə bağlı bütün məlumatları vahid cihazda görməyə, zəifliklərin cəld qiymətləndirilməsini həyata keçirməyə və onları avtomatik olaraq düzəltməyə, inzibatçılar üçün hesabatlar əldə etməyə imkan verən hərtərəfli alətdir. Vahid həll daxilində prosesin yüksək səviyyədə avtomatlaşdırılması adəti əməliyyatları yerinə yetirərkən vaxta qənaət edir.

“Müasir təhlükə mənzərəsi, həmçinin hibrid və uzaqdan iş formatlarının artan populyarlığı kimi biznes meylləri etibarlı kibermüdafiə həllərinə ehtiyacı müəyyən edir. Təşkilatlara kiber riskləri azaltmağa kömək etmək üçün son cihazların müdafiəsini təmin edən məhsullarımızı daim təkmilləşdiririk. Son nəsil çoxqatlı mühafizənin əlavə proaktiv texnologiyalarla birləşməsi şirkətin infrastrukturunda bütün iş yerlərinin təhlükəsizliyini təmin edir. Şadıq ki, mütəxəssislər icması bizim bu sahədə səylərimizi yüksək qiymətləndirib”, - deyə Kaspersky-nin Azərbaycandakı rəsmi nümayəndəsi Müşviq Məmmədov qeyd edib.

Radicati Group-un “Son cihazların müdafiəsi: 2021-ci il üçün bazar qiymətləndirməsi” hesabatının tam versiyası ilə burada tanış ola bilərsiniz.

Kaspersky haqqında

Kaspersky - 1997-ci ildən etibarən informasiya təhlükəsizliyi və rəqəmsal məxfilik sahəsində fəaliyyət göstərən beynəlxalq şirkətdir. Şirkətin dərin mütəxəssis biliyi və illərə söykənən təcrübəsi bizneslər, həyati vacib infrastruktur, hökumətlər və son istifadəçilərin təhlükəsizlyini təmin edən yeni nəsil təhlükəsizlik həlləri və xidmətlərinin əsasını təşkil edir. Kaspersky-nin ın geniş məhsul və xidmət portfelinə son cihazların müdafiəsi üçün ən müasir məhsullar, eləcə də mürəkkəb və daim inkişaf edən kibertəhdidlərlə mübarizə üçün bir sıra ixtisaslaşmış həllər və xidmətlər daxildir. Kaspersky texnologiyaları dünya üzrə 400 milyondan çox istifadəçini və 240 000 korporativ müştərini qoruyur. Daha ətraflı məlumatı http://www.kaspersky.ru/saytından əldə edə bilərsiniz.

 


     



16.02.2022
Davit Tsiklauri
AccessBank-ın İdarə Heyətinin sədri
08.02.2021
Vüsal Gözəlov
“AccessBank”ın Cəlilabad filialının Rəhbəri
08.06.2020
Andrea Hagmann
“AccessBank”ın Müşahidə Şurasının üzvü
15.05.2020
Müseyib Əhmədov
Mərkəzi Gömrük Hospitalının ortoped-travmatoloqu
 
24.02.2020
Anar Həsənov
“AccessBank”ın İdarə Heyətinin Sədri
04.02.2020
Mircəlal Kazımi
Mərkəzi Gömrük Hospitalının cərrah-transplantoloqu
25.11.2019
Yevgeniya Qaşikulina
AccessBank-ın İdarə Heyəti sədrinin birinci müavini
23.10.2019
Emin Hacıbalayev
Mərkəzi Gömrük Hospitalının invaziv kardioloqu


Company
About
Partners
Support
Products
Business catalog
Interview
Expert
Rating
Payment