Xaçmaz Gömrük İdarəsində xarici ticarət iştirakçıları ilə növbəti görüş keçirilib.

Tədbirdə sahibkarlara gömrük sistemində aparılan təkmilləşdirilmələr, xüsusilə rəqəmsallaşmanın genişləndirilməsi, könüllü riayət prinsipinin təşviq edilməsi, eləcə də sərhədkeçmə prosesləri, gömrük rəsmiləşdirilməsinə dair yeniliklər barədə məlumat verilib.

Görüş iştirakçıları “Íkipilləli buraxılış sistemi”, “Rəqəmsal gömrük dəyəri”, “Zərərli maddələr və tullantıların qanunsuz ticarəti” mövzularında da məlumatlandırılıb.

Sonda sahibkarların rəy və təklifləri dinlənilib, onların sualları cavablandırılıb.