• Mastercard etimadın maliyyə ekosistemlərində qurulması ilə bağlı qlobal təcrübəsini paylaşır – bu yanaşmanın Azərbaycanın gələcəyi üçün aktuallığına diqqət çəkilir.

Z Nəsli təkcə tarixdəki ən rəqəmsal nəsil deyil — həm də ən ehtiyatlısıdır. Daimi əlaqə və saysız seçim imkanları ilə böyüyən bu nəsil üçün maliyyə xidmətlərindən gözləntilər sadəcə rahatlıqla bitmir. Onlar özlərini təhlükəsiz hiss etmək istəyir. Şəffaflıq gözləyirlər. Və hər şeydən əvvəl — etimad qurmaq istəyirlər.

Mastercard-ın qlobal hesabatı – “Ortaq Yaxşılıq: Əməliyyat Etimadı Ekosisteminin Qurulması” – müasir rəqəmsal iqtisadiyyatda etimadın necə formalaşdığını araşdırır və bu amilin Z Nəsli ilə maliyyə institutları arasındakı münasibətlərdə niyə həlledici rol oynadığını izah edir.

Azərbaycanın maliyyə sektoru üçün bu nəticələr həm çağırış, həm də innovasiya üçün fürsətdir.

Z Nəsli üçün Əsl Rəqəmsal Valyuta – Etimaddır

Z Nəsli heç bir şeyə avtomatik olaraq etibar etmir. Onlar təcrübələrinə əsasən fikir formalaşdırırlar – deyilənlərə yox. Bu nəsil üçün etimad – real nəzarət imkanı, açıq kommunikasiya, fərdiləşdirilmiş xidmətlər və səssiz işləyən güclü təhlükəsizlik sistemləri ilə başlayır.

Bu nəslin rəqəmsal risklərə dair məlumatlılığı da yüksəkdir. Mastercard-ın tədqiqatına əsasən:

• 88% onlayn alış-veriş zamanı şəxsi məlumatlarının istifadəsi ilə bağlı narahatlıq keçirir;

• 97% daha çox məlumat paylaşmağa hazırdır – amma yalnız bu, fırıldaqçılığın qarşısını alacaqsa;

• 90% hər hansı platformada fırıldaqla qarşılaşarsa, həmin brendə gələcəkdə daha az etibar edəcəyini bildirir.

Başqa sözlə desək, şəffaflıq məlumatı qazanır — əksinə yox.

Fərdiləşdirmə: Müdaxilə Yox, Əlaqəlilik Olmalıdır

Z Nəsli özlərini əks etdirən xidmətlər gözləyir — ümumi təkliflər yox. Amma fərdiləşdirmə yalnız şəffaflıq, dəyər və istifadəçi razılığı ilə təqdim olunanda effektiv olur. Hesabat göstərir ki, bu nəsil faydalı olduğu təqdirdə adaptiv təcrübələrə müsbət yanaşır — basqı kimi qəbul etmir.

Dynamic Yield kimi texnologiyalar banklara real vaxtda fərdi təkliflər təqdim etməyə imkan verir: istər şəxsi qənaət tövsiyələri, istər istifadəçi davranışına əsaslanan kampaniyalar, istərsə də yeni müştərilər üçün bələdçilik. Əgər yanaşma uyğun və hörmətlidirsə, Z Nəsli bunu nəzarət kimi yox, anlaşıldıqlarının göstəricisi kimi görür.

Təhlükəsizlik Görünməlidir – Yalnız Mavcud Olmaqla Yetmir

Əvvəlki nəsillər təhlükəsizlik naminə çətinliklərə dözsə də, Z Nəsli hər ikisini – həm sürəti, həm də qorumanı tələb edir. Mastercard-ın məlumatına görə, bu nəsil sürətə ən çox önəm verən nəsil olsa da, 71% rəqəmsal təcrübələrdə təhlükəsizlik və etimadı sürətdən üstün tutur — bu da etimadın hələ də əsas prioritet olduğunu göstərir.

Onlar təhlükəsizliyi hiss etmək istəyirlər: biometrik giriş, fırıldaqçılıq xəbərdarlıqları və problem yarandıqda aydın siqnallar. Etimad, təhlükəsizlik tədbirləri proaktiv və görünən olduqda qurulur. Əgər autentifikasiya uğursuz olarsa və ya ödəniş səbəbsiz bloklanarsa, etimad tez dağılır.

Avtonomiya – Yeni Etimad Siqnalıdır

Z Nəsli nəzarət etdikləri rəqəmsal təcrübələr istəyir – istər abunəlik idarəsi, istər şəxsiyyət məlumatları üzərində nəzarət. Hesabatda qeyd olunur ki, istifadəçiyə məlumat paylaşımı, icazə parametrləri və hesab üzərində sadə və gizli maneələr olmadan idarəetmə vermək uzunmüddətli loyallığın açarıdır.

Azərbaycan kimi mobil bankçılıq və fintech tətbiqlərinin artdığı ölkələrdə bu cür istifadəçi-nəzarətli mühit vacib olacaq. Bir istifadəçi cəmi bir neçə toxunuşla giriş icazələrini dəyişə, xidmətləri dayandıra və ya ləğv edə bilməlidir — müştəri xidmətinə yazmadan.

Azərbaycan Maliyyə Sektoru üçün Nəticə

Rəqəmsal texnologiyaların sürətlə yayıldığı bir zamanda Azərbaycanın bankları və fintech şirkətləri dönüş nöqtəsindədir. Z Nəsli artıq sistemin necə dəyişməli olduğunu formalaşdırır. Onların mesajı aydındır: mənə təcrübəmi idarə etməyə imkan verin, məlumatımın necə istifadə olunduğunu izah edin, fərdi olun və məni görünən şəkildə qoruyun.

Bu kontekstdə etimad – abstrakt anlayış deyil. O, ağıllı dizayn, aydın niyyət və ardıcıl dürüstlüklə addım-addım qurulan bir dəyərdir.

Tam şəffaflıq, məqsədyönlü fərdiləşdirmə və qüsursuz təhlükəsizlik təqdim edən maliyyə institutları sadəcə Z Nəslinin gözləntilərini qarşılamayacaq – rəqəmsal maliyyənin gələcəyini müəyyən edəcəklər.

Tədqiqat haqqında

Bu material Mastercard-ın qlobal hesabatı olan “Ortaq Yaxşılıq: Əməliyyat Etimadı Ekosisteminin Qurulması” əsasında hazırlanıb. Hesabat rəqəmsal qarşılıqlı əlaqələrdə istehlakçı etimadının necə formalaşdığını araşdırır — xüsusilə Z Nəsli davranışları və gözləntiləri prizmasından.

Tam hesabatla tanış olmaq üçün baxın: “The Common Good: Creating an Ecosystem of Transactional Trust”

Mastercard haqqında

Mastercard 200-dən artıq ölkə və ərazidə iqtisadiyyatları gücləndirir və insanlara dəstək verir. Müştərilərimizlə birlikdə hər kəsin rifah tapa biləcəyi davamlı bir iqtisadiyyat qururuq. Biz rəqəmsal ödənişlərin geniş spektrini dəstəkləyir, əməliyyatları təhlükəsiz, sadə, ağıllı və əlçatan edirik. Texnologiya və innovasiyalarımız, tərəfdaşlıqlarımız və şəbəkələrimiz insanların, bizneslərin və hökumətlərin öz potensiallarını tam şəkildə reallaşdırmasına kömək edən unikal məhsul və xidmətlər toplusu təqdim edir.

www.mastercard.com