Mastercard bu proqramı Azərbaycanda ilk dəfə olaraq yerli fintex və texnoloji startaplara qlobal şəbəkələrə çıxış, ekspert mentorluğu və strateji inkişaf dəstəyi təklif etmək üçün işə salır.
“Mastercard” özünün beynəlxalq səviyyədə tanınmış “Lighthouse” startap akselerasiya proqramını Azərbaycanda başlamağa qərar verib. Yüksək potensiallı fintex və texnoloji startapları dəstəkləmək üçün nəzərdə tutulan proqram yerli innovatorları Mastercard-ın beynəlxalq şəbəkəsi ilə birləşdirir, biznesin genişlənməsinə kömək etmək üçün mentorluq, strateji dəstək və əlçatanlıq təklif edir.
Qlobal platforma Azərbaycana gəlir
İlk dəfə 2018-ci ildə Skandinaviya və Baltikyanı ölkələrdə istifadəyə verilmiş Mastercard “Lighthouse” proqramı startaplar üçün öz ideyalarını qlobal səviyyədə hazır həllərə çevirmək baxımından mühüm platformaya çevrilib. Sənaye təcrübəsini güclü tərəfdaş şəbəkəsi ilə birləşdirərək proqram iştirakçılara məhsullarını təkmilləşdirmək, korporativ tərəfdaşlarla əlaqə qurmaq və investorların marağını cəlb etmək üçün strukturlaşdırılmış həll təklif edir.
Azərbaycanda işə salınması proqramın ən son beynəlxalq genişlənməsidir və yerli sahibkarlara Mastercard-ın regional və beynəlxalq ekosistemindən istifadə etmək üçün yeni imkanlar açır. Türkiyədəki müsbət nəticələrdən sonra “Mastercard Lighthouse Azerbaijan” proqramı bu il istifadəyə veriləcək.
Mastercard Şərqi Avropa bölməsinin prezidenti Yasemin Bədir qeyd edib:
"‘Lighthouse’ proqramını yüksələn innovasiya potensialı və dinamik sahibkarlıq mənzərəsi olan Azərbaycanda təqdim etməkdən məmnunuq. Türkiyə versiyasının uğuru bizə Mastercard-ın qlobal şəbəkəsini AYİB-in [Avropa Yenidənqurm və İnkişaf Bankı] yerli inkişaf təcrübəsi ilə birləşdirərək nə qədər dəyər qata biləcəyimizi göstərdi. Bu proqram vasitəsilə biz azərbaycanlı startaplar üçün beynəlxalq miqyasda etibarlılıq, inam və mühüm təcrübələri əlçatan etməyi hədəfləyirik."
Yeni nəsil Azərbaycan innovatorlarına dəstək
“Mastercard Lighthouse Azerbaijan” proqramında iştirak üçün seçilən startaplar böyümələrini sürətləndirmək üçün nəzərdə tutulan fərdiləşdirilmiş, yüksək təsirli dəstək dəstinlə çıxış əldə edəcəklər. Buraya Mastercard-ın baş ekspertlərinin fərdi mentorluğu, seçilmiş seminarlara və praktiki təlimlərə, həmçinin 30.000-dən çox tərəfdaşın qlobal şəbəkəsinə giriş daxildir. Bundan əlavə, proqram startaplara öz biznes modellərini təkmilləşdirməyə, bazara daxil olmaq üçün strategiyalarını gücləndirməyə və gələcək investisiya mərhələlərinə hazırlaşmağa kömək edəcək. Proqram Azərbaycanın regionda dinamik innovasiya qovşağı kimi mövqeyini dəstəkləmək məqsədi daşıyır.
Mastercard haqqında
Mastercard dünya üzrə 200-dən çox ölkə və ərazidə iqtisadiyyatları və insanları dəstəkləyir. Müştərilərimizlə birgə hər kəsin inkiaf edə biləcəyi dayanıqlı iqtisadiyyat qururuq. Biz geniş çeşiddə rəqəmsal ödəniş seçimlərini dəstəkləyir, əməliyyatları təhlükəsiz, sadə, ağıllı və əlçatan edirik. Texnologiyamız və yeniliklərimiz, tərəfdaşlıqlarımız və şəbəkələrimiz birləşərək insanlara, müəssisələrə və hökumətlərə ən böyük potensiallarını reallaşdırmağa kömək edən unikal məhsul və xidmətlər dəsti təqdim edir.
www.mastercard.com
