5 iyun 2025-ci il tarixində Dövlət Gömrük Komitəsinin Tibbi Xidmət İdarəsinin Elmi-Təcrübi və Tədris Mərkəzinin təşkilatçılığı ilə Mərkəzi Gömrük Hospitalında “Xəstəxanadaxili tibbi sənədləşmə” mövzusunda seminar keçirilib. Seminarda Mərkəzi Gömrük Hospitalının rəis müavini, kardioloq Nabil Seyidov təqdimatla çıxış edərək xəstəxanadaxili sənədləşmənin tibbi, hüquqi və praktiki aspektlərini ətraflı şəkildə iştirakçıların diqqətinə çatdırıb. O, pasiyent məlumatlarının tam və dəqiq şəkildə sənədləşdirilməsinintibbi xidmətin keyfiyyəti və klinik qərarların verilməsi baxımından xüsusi əhəmiyyət kəsb etdiyini qeyd edib.

Seminar müddətindəreal klinik nümunələr əsasında sənədlərin düzgün tərtibatı, elektron sənədləşməyə keçid prosesi və beynəlxalq təcrübəyə əsaslanan yanaşmalar da müzakirə olunub. 

Bu kimi seminarlar, Mərkəzi Gömrük Hospitalında peşəkar kadr potensialının gücləndirilməsi və beynəlxalq standartlara cavab verən tibbi xidmətin təşkili istiqamətində atılan davamlı addımlardandır.Seminarın əsas məqsədi xəstəxana daxilində tibbi sənədlərin düzgün, ardıcıl və beynəlxalq tələblərə uyğun şəkildə aparılmasının əhəmiyyətini vurğulamaq, həkim və tibbi personalın bu sahədəki bilik və bacarıqlarını artırmaq olub.