6-7 may 2025-ci il tarixlərində Bakı Fond Birjasının nümayəndələri Dubayda keçirilən “Capital Market Summit 2025” tədbirində iştirak ediblər. Tədbir, kapital bazarlarının inkişafı, rəqəmsal transformasiya, İKT prosesləri, yeni məhsullar və trendlər mövzusunda aktual məsələlərin müzakirə edildiyi beynəlxalq platforma olaraq çıxış edib.

Tədbir maliyyə sahəsində aparıcı institutlar, tənzimləyici orqanlar və bazar iştirakçılarını bir araya gətirərək, kapital bazarlarında davamlı inkişaf, innovativ həllərin tətbiqi və investisiya mühitinin təkmilləşdirilməsi ilə bağlı fikir mübadiləsinə şərait yaradıb. “Dubai Financial Market”in təşkilatçılığı ilə baş tutan sammit çərçivəsində iştirakçılar qlobal trendlər, rəqəmsal texnologiyalar və tənzimləyici yanaşmalarla yaxından tanış olublar.

Bakı Fond Birjası üçün bu cür tədbirlər beynəlxalq təcrübələrin öyrənilməsi və yerli bazarın inkişafı baxımından mühüm əhəmiyyət kəsb edir.