2026-cı ildə “Üçüncü Bahar” İctimai Birliyi fəaliyyətinin 9-cu ildönümünü qeyd edir. 2017-ci ildə təsis olunmuş Birlik ötən müddət ərzində sosial yönümlü təşəbbüsləri ilə cəmiyyətin müxtəlif təbəqələrinin, xüsusilə orta və ahıl yaş nəslinin ictimai fəallığının artırılmasına mühüm töhfələr verib.

Fəaliyyəti dövründə Birlik tərəfindən sosial, mədəni və maarifləndirici layihələr həyata keçirilib, təlimlər, görüşlər, ictimai müzakirələr və sosial aksiyalar təşkil olunub. Reallaşdırılan proqramlar çərçivəsində yüzlərlə vətəndaş aktiv fəaliyyətə cəlb edilib.

Yubiley tədbiri də xoş və yaddaqalan anlarla yadda qalıb. Tədbirdə Birliyin üzvləri tərəfindən müxtəlif maraqlı səhnəciklər nümayiş olunub. Eyni zamanda, duyğusal və mənalı şeirlər səsləndirilib, iştirakçılar tərəfindən böyük alqışla qarşılanıb.

Birliyin əsas məqsədi cəmiyyətin sosial rifahına töhfə vermək, aktiv və sağlam həyat tərzini təşviq etmək, Fəaliyyətində şəffaflıq, ictimai məsuliyyət və tərəfdaşlıq prinsipləri əsas götürülür.

Birlik haqqında

“Üçüncü Bahar” İctimai Birliyi (Instagram səhifə - https://www.instagram.com/uchuncu.bahar/) sosial yönümlü qeyri-hökumət təşkilatıdır. Birlik orta və ahıl yaş nəslinin sosial inteqrasiyasını dəstəkləyən, maarifləndirici və ictimai əhəmiyyətli layihələr həyata keçirən təşkilat kimi fəaliyyət göstərir.