Mərkəzi Gömrük Hospitalının pediatr-neonatoloqu Aygün Sadıxova “Beynəlxalq Vaxtından Əvvəl Doğulmuşlar Günü” mövzusunda canlı yayımda çıxış edəcək

Hörmətli izləyicilər, 17 noyabr tarixində saat 10:00-da Mərkəzi Gömrük Hospitalının Pediatriya şöbəsinin pediatr-neonatoloq-reanimatoloqu Aygün Sadıxova “17 Noyabr – Beynəlxalq Vaxtından Əvvəl Doğulmuşlar Günü” mövzusunda canlı yayımda çıxış edəcək. Pediatr-neonatoloq Aygün Sadıxova vaxtından əvvəl dünyaya gələn körpələrin vəziyyətləri, müasir müalicə və reanimasiya yanaşmaları, eləcə də valideynlər üçün vacib tövsiyələrlə bağlı geniş məlumat verəcək. Sualları canlı yayım vaxtı və yaxud öncədən Mərkəzi Gömrük Hospitalının facebook səhifəsi vasitəsilə ünvanlamaq mümkündür. (https://www.facebook.com/customshospital/).

Qeyd edək ki, 2009-cu ildə Yeni Doğulmuş Uşaqlara Nəzarət üzrə Avropa Fondunun təşəbbüsü ilə noyabrın 17-də Beynəlxalq Vaxtından Əvvəl Doğulan Uşaqlar Günü təsis edilib. Bu günün qeyd olunmasında əsas məqsəd vaxtından əvvəl doğulan körpələrin sağ qalması üçün səylərin artırılması, vaxtından əvvəl doğum prosesinin baş vermə riskinin minimuma endirilməsi və hamilə qadınların düzgün qidalanmaları, sağlamlıqlarının qorunması üçün maddi, mənəvi və tibbi yardımın göstərilməsidir.