Mərkəzi Gömrük Hospitalının Laboratoriyasında nümunələrin qəbulu, qeydiyyatı və müayinələrin aparılması həftənin 7/24 fasiləsiz iş rejimində həyata keçirilir. Bundan əlavə nümunələrin ev şəraitində peşəkar səyyar tibbi xidmət mütəxəssisləri tərəfindən təhlükəsiz şəkildə götürülməsi və laboratoriyaya çatdırılması mümkündür.https://youtu.be/BX039F5VigY

Mərkəzi Gömrük Hospitalının Laboratoriyasının tədqiqat spektrinə müasir, tam avtomatlaşdırılmış analizatorlarda diaqnostikanın ümumi iş prinsipinə uyğun olaraq kliniki, biokimyəvi, koaqulopatoloji, hematoloji, bakterioloji, immunoseroloji və molekulyar-genetik müayinələr daxildir. Mərkəzi Gömrük Hospitalının Laboratoriyası xidmətlərinin keyfiyyətini və etibarlılığını nümayiş etdirmək üçün ISO 15189-standartına akkreditasiya olunub. ISO 15189 standartı, ISO 17025 və ISO 9001 standartlarına əsaslanan beynəlxalq səviyyədə tanınmış sənəddir. Buraya həm keyfiyyət sisteminin elementləri, həm də kliniki laboratoriya üçün ümumi tələblər daxildir.   

Laboratoriyanın akkreditasiya olunması tibb sahəsində yüksək səviyyəli xidmətə, analiz nəticələrinin dəqiqliyinə, səhiyyə normativlərinin yerinə yetirilməsinə, sənədləşmə prosedurlarına nəzarətə, risklərin minimuma endirilməsinə, laboratoriya avadanlıqlarının, analiz üsullarının yüksək tələblərə  cavab verməsinə və hər şeydən əvvəl  pasiyentlərin məmnunluğuna zəmanət verir.

Sertifikatlaşdırılmış laboratoriyamız dünya bazarında nüfuzunu artırır və rəqabət mühitində üstünlük göstərir. Pasiyentlərə təklif etdiyimiz geniş profilli laborator xidmətlər idarə edilmənin səriştəli, səmərəli təşkil edildiyini təsdiqləyir. Məqsədimiz etibarlı tədqiqat nəticələrini təmin etməkdir. Sağlamlığınızı bizə etibar edin.