1 USD 1,7000    1 EUR 1,8485    1 RUB 0,0188    1 TRY 0,0558    XAU 3493,7125    XAG 39,3658    XPT 1559,2655    XPD 1653,4200   
           
/ Məzənnələr

 

 

 













Digər xəbərlər


Yerli və xarici investisiyalı MMC-lərin elektron dövlət qeydiyyatı prosedurları eyniləşdirilir
09.07.2024

"Hüquqi şəxslərin dövlət qeydiyyatı və dövlət reyestri haqqında" Azərbaycan Respublikasının Qanununa bir sıra dəyişikliklər təsdiq edilib

Məlum olduğu kimi, son 2 ildə Dünya Bankı Qrupunun “Business Ready hesabatının “Biznesə daxilolma” indikatoru ilə bağlı müvafiq sahədə təkmilləşmələrin həyata keçirilməsinə dair Biznes mühiti və beynəlxalq reytinqlər üzrə Komissiyanın sədrinin təsdiq etdiyi 2022-2023-cü illər üzrə Yol Xəritəsi çərçivəsində biznesin qeydiyyatının sadələşdirilməsi istiqamətində bir sıra tədbirlər həyata keçirilib, yeni təşəbbüslər irəli sürülüb.

Yol Xəritəsində kommersiya qurumlarının dövlət qeydiyyatı sahəsində  qüvvədə olan qanunvericiliyin beynəlxalq təcrübəyə uyğun təkmilləşdirilməsi, xarici və yerli investisiyalı məhdud məsuliyyətli cəmiyyətlərin elektron dövlət qeydiyyatı prosedurlarının eyniləşdirilməsi ilə bağlı tədbirlərin də həyata keçirilməsi nəzərdə tutulurdu.

Ötən müddət ərzində biznesin qeydiyyatının sadələşdirilməsi və qeyd olunan islahatların həyata keçirilməsi məqsədilə “Biznesə daxilolma” işçi qrupunun təşəbbüsü ilə “Hüquqi şəxslərin dövlət qeydiyyatı və dövlət reyestri haqqında” Azərbaycan Respublikasının Qanununda, Əmək, Mülki və İnzibati Xətalar məcəllələrində dəyişiklik edilməsi barədə qanun layihələri hazırlanıb. Həmin qanun layihələri Milli Məclis tərəfindən qəbul edilib və ölkə başçısı tərəfindən 8 iyul 2024-cü il tarixdə təsdiqlənib.  

Qeyd edilməlidir ki, Biznes mühiti və beynəlxalq reytinqlər üzrə Komissiyanın “Biznesə daxilolma” işçi qrupuna rəhbərliyi İqtisadiyyat Nazirliyi yanında Dövlət Vergi Xidməti həyata keçirir.

Beləliklə, "Hüquqi şəxslərin dövlət qeydiyyatı və dövlət reyestri haqqında" Azərbaycan Respublikasının Qanununda edilmiş dəyişikliklərə əsasən, yerli və xarici investisiyalı məhdud məsuliyyətli cəmiyyətlərin elektron dövlət qeydiyyatı prosedurları eyniləşdirilir. Belə ki, xarici  investisiyalı məhdud məsuliyyətli cəmiyyətlərin elektron dövlət qeydiyyatı zamanı işçilərlə ilk dəfə bağlanmış əmək müqaviləsinin məlumatlarının elektron ərizəyə daxil edilməsi və qeydiyyat prosesi başa çatdıqdan (dövlət qeydiyyatı haqqında şəhadətnamə, dövlət reyestrindən çıxarış və nizamnamə elektron kabinetə göndərildikdən) sonra həmin məlumatların Əmək və Əhalinin Sosial Müdafiəsi Nazirliyinin elektron informasiya sisteminə ötürülməsi həyata keçiriləcək.

Dəyişikliyə əsasən, həmçinin, xarici investisiyalı məhdud məsuliyyətli cəmiyyətin elektron dövlət qeydiyyatı zamanı elektron ərizəyə hüquqi ünvanı təsdiq edən sənədin əlavə edilməsinə dair tələb aradan qaldırılıb.

Dövlət qeydiyyatı prosedurlarının eyniləşdirilməsi məqsədilə digər dəyişikliyə əsasən, xarici investisiyalı məhdud məsuliyyətli cəmiyyətin elektron dövlət qeydiyyatından xarici fiziki şəxslərlə yanaşı, xarici hüquqi şəxslərin də istifadə etməsi mümkündür. Bu məqsədlə Beynəlxalq Xüsusi Hüquq üzrə Haaqa Konfransının təşviq etdiyi Elektron Apostil Proqramına uyğun olaraq, elektron apostil verilmiş xarici mənşəli sənədlərin müvafiq proqram vasitəsilə yoxlanılmaqla onların tərcüməsinin informasiya sistemi üzərindən notarius tərəfindən distant rəsmiləşdirilməsi və sorğu əsasında Dövlət Vergi Xidmətinin informasiya sisteminə inteqrasiya edilməsi həyata keçiriləcək. Müvafiq dəyişikliklərə qədər məhdud məsuliyyətli cəmiyyətin elektron dövlət qeydiyyatı prosesində təsisçi qismində yalnız yerli investisiyalı hüquqi şəxslərin iştirakı mümkün idi.

Xarici və yerli investisiyalı məhdud məsuliyyətli cəmiyyətlərin elektron dövlət qeydiyyatı prosedurlarının eyniləşdirilməsi məqsədilə edilmiş bu dəyişikliklər nəticəsində Azərbaycan Respublikasının beynəlxalq iqtisadiyyatda daha geniş təmsil olunmasına, xarici investisiyaların ölkəyə gəlişinə və iqtisadiyyatın inkişafına daha böyük imkanlar yaradacaq.

Yol Xəritəsinin digər bir bəndində nəzərdə tutulmuş tədbirin icrası məqsədilə Qanuna edilmiş dəyişikliyə əsasən, BMT-nin qərarlarına uyğun sanksiya tətbiq edilmiş fiziki şəxslərin və qurumların hüquqi şəxs təsis etmək hüquqlarının məhdudlaşdırılmasına dair müddəalar əlavə olunub. Qeyd edək ki, BMT-nin qərarlarına uyğun sanksiya tətbiq edilmiş fiziki şəxslərin və qurumların siyahısı BMT-nin və Maliyyə Monitorinqi Xidmətinin rəsmi internet səhifələrində yerləşdirilib.

Qanuna edilmiş dəyişikliyə əsasən kommersiya qurumlarının adlarına dair tələblər müəyyən edilmiş və bununla bağlı Qanunda qeydiyyatdan imtina əsasları nəzərdə tutulur.

 


     



16.07.2024
Nəriman Əsədov
Kapital Bank-ın İnnovasiyalar komandasının rəhbəri
06.02.2024
Fərid Abuşov
Unibank KB İdarə Heyətinin sədri
16.01.2024
Nuranə Əliyeva
“Aliyevents” tədbirlərin təşkili şirkətinin Rəhbəri
09.01.2023
Zaur Ələkbərov
ABB-nin İdarə Heyəti sədrinin müşaviri, ABB Tech Akademiyası və ABB İnnovasiya Mərkəzi layihələrinin icraçısı
 
06.12.2022
Ramil Imamov
Kapital Bank-ın Pərakəndə Satış İdarəsinin Baş direktoru
12.10.2022
İlkin Quliyev
AccessBank-ın İdarə Heyətinin üzvü
16.02.2022
Davit Tsiklauri
AccessBank-ın İdarə Heyətinin sədri
08.02.2021
Vüsal Gözəlov
“AccessBank”ın Cəlilabad filialının Rəhbəri


Company
About
Partners
Support
Products
Business catalog
Interview
Expert
Rating
Payment