“Həkimlərimizi tanıyın!” rubrikamızda Mərkəzi Gömrük Hospitalının həkim-laborantı Ülkər Məmmədovanı Sizə təqdim edirik.

DR.ÜLKƏR MƏMMƏDOVA Mərkəzi Gömrük Hospitalının Tibbi laboratoriyasında bioloji mayelərdə ümumi kliniki, biokimyəvi, immunoloji, seroloji, allerqoloji, koaquloji, farmakoloji, bakterioloji laborator müayinələrin aparılması və interpretasiyası ilə məşğul olur.

Dr.Ülkər Məmmədova 1999-2002-ci illərdə Bakı Dövlət Universitetinin Biologiya fakültəsini bitirmiş, daha sonra 2002-ci ildə Rusiyanın Sankt Peterburq şəhərində Tibbi Akademiyada təhsili almışdır.                       

 Ülkər həkim 2001-2006-cı illərdə Medservis özəl tibb müəssisəsində həkim-mikrobioloq, 2006-2009-cü illərdə Nəsrəddin Tusi adına klinikada həkim-mikrobioloq kimi çalışıb. Dr.Ülkər Məmmədova 2009-cu ildən etibarən Mərkəzi Gömrük Hospitalında həkim-mikrobioloq kimi fəaliyyət göstərir.

Daim öz bilik və bacarıqlarını inkişaf etdirən Ülkər xanım  davamlı olaraq ölkə daxilində və xaricində keçirilən müxtəlif elmi tədbirlərdə iştirak edir. Dr.Ülkər Məmmədova 2003-cü ildə BioDPC şirkətinin təşkilatçılığı ilə “İmmulite One istifadəçi təlim proqramı”-nı uğurla bitirdiyinə görə sertifakla təltif olunmuşdur. Ülkər həkim 2011-ci ildə Türkiyədə Nesil Group şirkətinin təşkilatçılığı ilə “Anti-nükleer antikorların immünfloresan mikroskopta tədqiqatı” mövzusunda seminarda iştirak etmiş və həmin ildə Türkiyədə  Nesil group şirkətinin təşkilatçılığı ilə Diaqnostik avadanlıqların təlim kursunu keçmişdir. Ülkər həkim 2016-cı ildə “Mikrobioloji keyfiyyətə nəzarət laboratoriyalarında Merck həlləri” seminarında iştirak etmişdir. Dr.Ülkər Məmmədova 2017-ci ildə Bakterial İdentifikasiya cihazları proqramını uğurla başa vurduğuna görə sertikatla təltif olunmuşdur. 2018-ci ildə Azərbaycanda Nesil Group şirkətinin təşkilatçılığı ilə “Azərbaycan Mikrobioloji Simpoziumu”-da, 2022-ci ildə “Sidik yolları infeksiyalarının diaqnostikası və müalicəsinə kompleks yanaşma” mövzusunda keçirilən elmi konfransda məruzəçi qismində iştirak etmişdir.

Dr.Ülkər Məmmədova Azərbaycan Respublikası Dövlət Gömrük Komitəsi tərəfindən verilmiş “Gömrük orqanlarında xidmətə görə” 3-cü dərəcəli döş nişanına layiq görülmüşdür.

Ülkər həkim 1999-cu ildə Yeni Azərbaycan Partiyasına, 2018-ci ildə Mərkəzi Gömrük Hospitalında  İnfeksiya Kontrol Heyyətinə üzv olmuşdur.