"Muğanbank" ASC 30 illik yubileyini qeyd edir! 

"Muğanbank" ASC 1992-ci ildə yaradılmışdır. Yarandığı tarixdən Bankın məqsədi ölkə iqtisadiyyatının inkişafında iştirakçı olmaq, geniş əhali kütləsinə bütün növ bank xidmətləri göstərmək və bununla da bank sistemində qabaqcıl maliyyə institutlarından birinə çevrilmək olmuşdur. Yarandığı tarixdən etibarən 30 il ərzində bank daim inkişaf yolunu tutmuş, illər keçdikcə Azərbaycanın bank sistemində möhkəmlənmiş, xidmətləri həm keyfiyyət, həm də kəmiyyət baxımından artmışdır. "Muğanbank" ASC Azərbaycanın bank sistemində stabilliyi və etibarlılığı ilə seçilən əsas iştirakçılardan biridir.

Hər bir müştəriyə fərdi yanaşaraq yüksək keyfiyyətli xidmət göstərmək, korporativ müştərilər üçün nüfuzlu simaya malik olmaq, dövlətə dayaq və dəstək vermək hər zaman Bankın prioritetlərindən hesab olunur.

“Muğanbank” ASC iri müəssisələrlə biznes və layihə maliyyələşdirilməsi sahəsindəki qarşılıqlı faydalı əməkdaşlığını, həmçinin birgə layihələrin həyata keçirilməsi sahəsində irimiqyaslı xarici banklar və investisiya fondları ilə əlaqələrini genişləndirməkdədir.

Bank hər zaman biznes fəlsəfəsində etibarlılıq, təhlükəsizlik, şəffaflıq, yüksək keyfiyyətli xidmət, müştəri ilə tərəfdaşlıq, Azərbaycan iqtisadiyyatına xidmət, ölkə qanunvericiliyinə riayət və hörmət kimi dəyərlərə söykənir.

Muğanbank 30 illik yubileyinə həsr olunmuş videoçarxı təqdim edir: https://www.youtube.com/watch?v=Sani2isW158