Qeyri-həyat sığorta bazarında liderliyini qoruyan “PAŞA Sığorta”  şirkəti “Access Bank” şirkətinin həyata keçirdiyi tenderin qalibi seçilib. “Access Bank” tərəfindən könüllü tibbi sığorta üzrə elan edilən tenderin nəticəsinə əsasən, şirkət əməkdaşlarının tibbi sığortası ən uyğun sığortaçı olaraq təyin edilən “PAŞA Sığorta”ya həvalə olunub.

Qeyd etmək istərdik ki, “PAŞA Sığorta” şirkəti 2006-cı ildən fəaliyyət göstərir. "PAŞA Holding" qrupunun üzvü olan "PAŞA Sığorta" 300 000-ə yaxın korporativ və fərdi müştərisinə 36 növ könüllü və icbari sığorta üzrə xidmət göstərir. “S&P Global Ratings” beynəlxalq reytinq agentliyi "PAŞA Sığorta" ASC-nin emitentin uzunmüddətli kredit reytinqini və maliyyə dayanıqlılığı reytinqini "BB", reytinq üzrə proqnozu isə “Stabil” səviyyəsində təsdiqləyib. Şirkət kapitalının, sığorta yığımlarının, sığorta ödənişlərinin həcmi və digər göstəriciləri ilə sığorta bazarının lider və ən böyük sığorta şirkətlərindəndir.