Bakı Fond Birjasının (BFB) Listinq Komitəsinin qərarı ilə “BTB Bank” ASC-nin istiqrazları 3 mart 2020-ci il tarixində standart bazar seqmentində listinqə daxil edilmişdir.
5 mart 2020-ci il tarixində isə “BTB Bank” ASC-nin 2 000 000 (iki milyon) manat həcmində istiqrazlarının ticarəti həyata keçiriləcəkdir. İstiqrazların tədavül müddəti 1 (bir) təqvim ilidir (365 gün) və illik faiz dərəcəsi 9% olmaqla, yerləşdiyi tarixdən etibarən dövri olaraq hər rübün son iş günü ödəniləcəkdir.
İstiqrazların emissiya prospekti Bakı Fond Birjasının internet səhifəsində “Listinqdə olan emitentlər” (https://bfb.az/teqdimat/?s_issuer=1389) bölməsindən əldə edə bilər. Yerləşdirmə üzrə anderrayter “BTB Kapital İŞ” ASC-dir.
Dövlət qeydiyyat nömrəsi – İSİN
|
İstiqrazların növü və forması
|
İstiqrazların sayı
|
Hərrac tarixi
|
İstiqrazların hərrac qiyməti
|
AZ2002009440
|
Faizli təmin edilməmiş
|
2 000
(ədəd)
|
05.03.2020
|
1000 AZN
|
Hərracda iştirak etməkdə maraqlı olan şəxslər birja üzvü olan investisiya şirkətlərinə müraciət edə bilərlər. Birja üzvlərinin əlaqə vasitələri BFB-nin internet saytının “Üzvlər” (https://bfb.az/uzvlerin-siyahisi/) bölməsində yerləşdirmişdir.