Baki, FinanceTime. 11 aprel 2017-ci il tarixində, Bakı Fond Birjasında Maliyyə Nazirliyinin AZN nominallı, AZ0105003559 ISIN kodlu, 728 gün tədavül müddətli, 35 000 000 AZN həcmində ortamüddətli dövlət istiqrazlarının yerləşdirilməsi üzrə hərrac keçirilmişdir.
Hərrac zamanı 4 investor tərəfindən 9 sifariş təqdim olunmuşdur. Sifarişlərin nominal üzrə ümumi məbləği 33,738,400.00 AZN təşkil etmişdir.
Sifarişlər 92.6873 AZN (19.5936%) və 100.0964 AZN (14.9424%) qiymət intervalında təqdim edilmişdir.
Hərracın yekunları üzrə bağlanılmış əqdlərin kəsmə qiyməti 100 AZN (15.0000%) orta ölçülmüş qiyməti 100.0065 AZN (14.9961%) təşkil etmişdir.
Bağlanılmış əqdlər üzrə hesablaşmalar 12.04.2017 (t+1) tarixində həyata keçiriləcəkdir
İstiqrazların nominal qiymət üzrə reallaşdırılmış həcmi 14,998,700.0000 AZN təşkil edilmişdir.
İstiqrazların ödəmə tarixi 09.04.2019-cı ildir.