Mərkəzi Gömrük Hospitalının Reanimasiya və Anesteziologiya şöbəsinin rəisi, anestezioloq-reanimatoloq Tural Sadıqov 2 fevral 2024-cü il tarixində saat 14.30-da “Regional anesteziya və onun üstünlükləri” mövzusunda çıxış edəcək. Tədbirdə Mərkəzi Gömrük Hospitalının reanimotoloqları, anestizioloqları, təcili yardım həkimləri, reanimotoloq və anestizioloq ixtisası üzrə təhsil alan həkim-rezidentlər və tibb tələbələri iştirak edə bilərlər. Qeydiyyatdan keçən tibb mütəxəssislərinə telefon və ya e-mail vasitəsilə təsdiq məktubu göndəriləcək. Virtual qoşulmaq istəyənlər üçün isə Zoom link göndəriləcəkdir. Qeydiyyat üçün keçid: https://ref.az/Np5nrN.
Mərkəzi Gömrük Hospitalının Reanimasiya və İntensiv Terapiya şöbəsinin rəisi, anestezioloq-reanimatoloqTural Sadıqov 2007-ci ildə Azərbaycan Tibb Universitetinin Müalicə profilaktika fakültəsini bitirdikdən sonra 2007-2008-ci illərdə akademik M.Topçubaşov adına Elmi Cərrahiyyə Mərkəzində həkim-intern kimi çalışmışdır. O, əmək fəaliyyətinə 2009-cu ildən dövlət və özəl tibb müəssisələrində həkim-anestezioloq kimi başlamışdır. 2014-cü ildən Mərkəzi Gömrük Hospitalında Reanimasiya və intensiv terapiya şöbəsinin rəisi, anesteioloq-reanimatoloq kimi çalışır.
Xatırladaq ki, Mərkəzi Gömrük Hospitalı keyfiyyətli tibb xidmətlərinin göstərilməsi ilə yanaşı respublikada tibbi kadrların hazırlanması prosesində də aktiv iştirak edir. Tibbin bir çox sahələri üzrə mövcud olan rezidentura proqramları çərçivəsində hospitalda 50-dən çox həkim-rezident çalışır.