Baki, FinanceTime. Bu gün “AFB Bank” ASC-nin fəaliyyətə başlamasının 9-cu ili tamam olur. Bu illər ərzində əsasən korporativ müştərilərə xidmət göstərən Bank iqtisadiyyatın müxtəlif sahələrinə, o cümlədən kənd təsərrüfatı, sənaye, tikinti, turizm,yeyinti məhsulları istehsalı və s. sahələrə maliyyə dəstəyi göstərməklə dövlət əhəmiyyətli müəssisələrin qurulmasına və inkişafına öz töhfəsini vermişdir. Bununla yanaşı pərakəndə müştərilərə də bir sıra məhsullar təqdim etmiş, eyni zamanda əhaliyə güzəştli ipoteka kreditlərinin verilməsində aktiv iştirak etmişdir.

Hazırda Bankın maliyyə dayanıqlığı yüksək səviyyədədir. Yüksək kapitallaşma səviyyəsi Bankın maliyyə dayanıqlığının təmin edilməsinə imkan verir və bunun əsas göstəricisi leverec əmsalının 12.5% (normativ:min-5%), kapital adekvatlığı əmsalının 28.6% (normativ:min-10%) olmasıdır.

Bankın yeni strateji planında xidmət keyfiyyətinin, infrastrukturun yaxşılaşdırılması, bazar mövqeyinin möhkəmləndirilməsi, filial şəbəkəsinin səmərəliliyinin artırılması, korporativ idarəetmə və risklərin idarəedilməsi sistemlərinin təkmilləşdirilməsi əsas strateji prioritetləri təşkil edir. Bu prioritet hədəflərə çatmaq üçün Bank müştəri xidmətlərində  texnoloji yeniliklərin, yeni bank məhsul və xidmətlərinin tətbiqinə, kadr potensialının təkmilləşdirilməsinə xüsusi önəm verir.

AFB Bank 9 il ərzində onunla işləyən və fəaliyyətinə dəstək olan bütün müştərilərinə və partnyorlarına dərin minnətdarlığını bildirir, gələcək illərdə bu münasibətlərin möhkəmlənəcəyinə inanır.