Baki, FinanceTime. 2016-cı il oktyabrın 14-də“Excelsior Hotel &Spa Baku”otelində HR menecerlərin dəyirmi masası keçirildi. Dəyirmi masada müxtəlif biznes strukturların HR mütəxəssisləri: “AtaHolding”in HR mütəxəssisi Aysel Məmmədova, “AtaBank” ASC-nin HR şöbəsinin rəisi Ülviyyə Məhərrəmova, “Excelsior Hotel &Spa Baku”otelinin HR meneceri Kamran Rzayev, Təmiz Şəhər şirkətinin HR meneceri Səbuhi Bayramov, “Landmark Hotel Bаku” otelinin HR meneceri Azad Əsgərov, “Park İnn” otelinin HR meneceri Elnarə Qurbanova, “AtaSığorta” sığorta şirkətinin HR meneceri Nuranə Əzizova, “AtaTexnologiya” şirkətinin HR meneceri Könül Rzayeva və başqaları iştirak etdilər. Tədbirin gedişində işçi heyətin işə cəlb edilməsi, motivasiyanın müasir metodları, personal axınının qarşısının alınması, personalın inkişafı, personalın qiymətləndirilməsi metodları kimi məqamlar ətraflı müzakirə olunmuşdur.
“Excelsior Hotel &Spa Baku”otelinin HR meneceri Kamran Rzayev bu tədbir haqqında qeyd etdi ki, “Bu cür dəyirmi masalarda müzakirələr və diskussiyalar təkcə təcrübə mübadiləsi üçün deyil, həm də onun iştirakçılarının peşəkarlığının artması üçün çox faydalıdır. Məlum olduğu kimi, kadrların idarə edilməsi sisteminin keyfiyyəti biznesdə uğurun daha mühüm amilinə çevrilir. Çünki effektiv komanda olmadan ən uğurlu bazar strategiyası belə gerçəkləşdirilə və biznes-proseslərin fasiləsizliyi təmin edilə bilməz”.
“Excelsior Hotel &Spa Baku”oteli 2005-ci ilin avqust ayından fəaliyyət göstərir. Oteldə 1 "İmperial" kral otaq, 2 "Royal" suit otaq, 4 "Crown" suit otaq, 45 "Heritage" lüks otaq və 9 "Duke" standart otaq, həmçinin, konfrans zalları, biznes mərkəzi, restoran və barlar, şəhərin ən gözəl, böyük Spa və sağlamlıq mərkəzi var.